Lailo inn kang tawh kisai
June 30, 2018 (Sat) nitak 5:30 pm in Lailo khua-ah inn (2) kang tum hi. Inn kang cih pen a tamzaw khuakhalhun/ phalbihun in kang thei zawdeuh hi. Ahizong Lailo ah tuuk hun guahzukzuk kimlai inn (2) bang hong kang tum mawk hi. Bangbang hi leh innteek te kisapna mah hi zaw kha ding hi.
Inn hong kat tat ciang inn katnamun ah kipai in inn ki phelhpih nuam ciat hi. A hi zong tuhun laitak pen Sipin budget tawh Tedim khuapi sung a ki puah sanlaitak a hi hi. Tua hi aa Sakollam nawl Lailo lamka ah zong tuipaikhiatsakna ki bawl laitak a hihman in mawtaw cycle pai theilo laitak hi.
Mipawlkhat ten tua lampi ki bawl/ki khakpaulap in mawhpua sak pong hiau uh hi. Ataktak in ci mah leng mualtuk pang ah mawtaw lampi golpi khat om in a sak mahmah ah zong cycle tawh ki pelh thei lai hi.
Mipite heisuk/heitoh nopna ding ngaihsutna leh veina tawh kisem a hih man in thu ngaihsun lopi in ki mawk sep biangbuang lo hi. Zumvai a hihman in nasephun leh man siang hun ding cih bang a ni omsa a hih man in a manlang pen ding leh a hoih pen ding in ki bawl ahi hi.
Video: Lailo ah inn 2 mei kangtum (30 June 2018)
https://www.youtube.com/watch?v=KXk8PPPkokg
Inn katna munah meiphelh mawtaw a pai theihlohna pen Sipin ten lampi a khak man uh hi ci’n hong mawksiat pong uh hi. Lampi kikhak kei leh zong a kattumma in a tung zo diam cih zong ngaihsun huai hi. Pai nuam taktak hi le uh mawtaw lampi omlua hi.
Ko zong innkat ding theikhol hi le ung lampi na bawl nailo ding hi ung. Buaina/ haksatna thuak ding kuamah ki deih lo hi. Khuasung hoih na ding/mipi a ding veina lianpi tawh ki geel in na kisem a hihman in thu leh la zong khinkhai thei mellopi in mawk ciakciak kei ni mite’n a pil hong sakha ding uh hi.
More: Tuitawh Innkang huhna piakkhiatna kinei thei
Khuasung khantoh nading thasuk in nasemte i panpih theih kei leh zong a thaneem na ding uh kampau se dah leng. Mikhat kampau khialna pen mitampi in suplawh thei hi. Tedim Municipal
Comment piaknop aomleh...