Jackie Chan tulaitak Malaysia ah Movie Promotion bawlin zin

Jackie Chan tulaitak Malaysia ah Movie Promotion bawlin zin

Leitung ah aminthang mahmah International Superstar Jackie Chan pen tulaitak Malaysia ah azinlaitak ahihi. Jackie Chan in akizaih nunungpen ahi “Kung Fu Yoga” kici pen Promotion bawlding in hongpai ahihi. Tua Movie sungah Bollywood leh Chiense Talents te kihelding cihi.

Jackie Chan pen tulaitak, Malaysia Kuala Lumpur khuapi sungah “Kung Fu Yoga” vaitawh hongzin hi a, Movie Director Stanley Tong leh Movie sungah aki thuahpih Co-stars te lakpan in Bollywood Actresses Disha Patani, Amyra Dastur leh China panin Muqi Miya tezong hongki thuahkhawm uhhi.

Jackie Chan in tuni Saturday ni in The Majestic Hotel KL ah akibawl Press Conference ah agenkhiatna ah “leitungbup aom ka Fans te khempeuh pen kimu in lungdam kakoihding pen piangtheilo hi. Ahi zongin Movie kabawlsim in tha hongpia khempeuh tungah lungdam mahmah hi. Kei kong lungdamkohna pen kumsim in Movie ahoihtheipen in kongbawlkhiatzel pen ka lungdam kohna ahihi ci’n genkhia hi.

“Kung Fu Yoga” pen Malaysia gamsung ah GSC Movies te tungtawn in kihawmkhia dinghi. China leh India gamnih kipawlkhawm in akipawl hi a, Bollywood Actor Sono Sood leh Chinese Actors Aarif Rahman leh Zhang Yixing tezong kihel uhhi.

India pan Bollywood Actress Disha zong hih Movie sungah akihelkhak pen kipaak mahmah ci a, Jackie Chan tawh Movie akizaihkhawm khading in kaki lamen ngeikei cihi. Jackie Chan ii Movie te enzel in akhangkhia kahi a, amahtawh hihbang in Movie kizaihkhop khakpen angtang mahmah cihi.

“Kung Fu Yoga” kici Movie pen Malaysia gambup ah January 27 ni akipan hongki lakhia tading hi. ZD Sawltak #zomidaily