Indonesia ah tuahsiatna tamlua ahih manin Infrastructure Project honkhat kikhawlsak

Indonesia ah tuahsiatna tamlua ahih manin Infrastructure Project honkhat kikhawlsak

Indonesia gamsung ah innsang akilam “infrastructure construction” khempeuh ki dinkhawlsak hi ci’n Minister of Public Works and Housing Basuki Hadimuljono in Tuesday ni in genkhia hi. Amahpen khuasung Infrastructure Construction tawh kisai in athuneipen ahihi.

Indonesia President Joko Widodo ii sawlna tawh kizui in agamsungah akilamsan Infrastructure Construction khempeuh dinkhawlsak in, avanzat Equipments te, Design te akipan anasepzia SOP (Standard Operating Procedures” khempeuh avekin etphatna neikikding cihi.

Hihbangin President Joko Widodo in asawlna ahang ahihleh abeisa kha 6 sungin Indonesia gamsungah Construction nasepna panin Accident 14 veibang piangmawk ahih manin, tuabang tuahsiatna aomkik nawnloh nadingin Infrastructure Construction khempeuh adinkhawlsak ahihi.

Anunungpen Accident ahihleh abeisa Tuesday ni in Jakarta khuapisung aom Toll-road Construction khatah tuahsiatna pianghi. Tuapen Jakarta City sungaom Bekasi – Cawang Toll Overpass dingin akilamsan hi a, Girder Pole in akizang siktawn te kicimsuk zihziah hi.

Tuabek thamlo, tukhasung mahinzong Jakarta City sungmah aom Railway Project khatah Crane kicim in, mi 4 denglum a, adangzong mi 1 liam hi.

Tuabang in nasepna ah tuahsiatna apian kawikawi ciangin Safety lamsang ki lunghimawh mahmah hi. Director General asem laitak ahi Arie Setiadi Moerwanto inzong kumpi geelnasa, zawhding ciangtansa aomkhin ahih hangin Infrastructure Construction honkhat ki khawlsakding, Suspend kibawlding hi ci’n genkhia hi. Tuakhit ciangin avekin hoihtak ki encian phading, Evaluation kibawlphading a, tuapen khakhat sungbang ahun latheiding cihi.

More: Indonesia, Java ah Passenger Bus khat tuahsia in mi 27 si, 16 liam

Opposition Gerindra Party te’nzong hihbangin Project tampi amanlangin akisepsak pen mihingte nuntakna ki zahtaksaklo hi, nasep geelsa Project te ahunlap in zawhdingbek ki lunggulhlua hi. Abeisa Colonial hunlai hileh nasep aziakai tepen ciangduai tawh kizep hi. Tuhun ciangin nasep aziakai tepen ki khawlsak, Fire pahpah hi ci’n genkhia hi. Sawltak #zomidaily