Russia ah meileng in Bus khat nawkkha ahih manin mi 16 si
Russia gamsung ah meileng khatleh Bus mawtawpi khat kiphukha ahih manin, mi 16 in sihlawh in adangzong mitampi zato kipuak cih Reuters pan kiza hi. Russia, Moscow khuapi geinai ah tuni Friday ni in thupiang ahihi.
Russia’s investigative committee te’n Statement akhahkhiatna ah Passenger Bus khatpen meileng lampi akantanna ah aset siacitciat cihi. Tuatawh meileng apai ciangin meileng in aphukha ci uhhi.
Tua Bus sungah atuangte pen Uzbekistan gampan in Migrant Workers vive hi uh a, meileng in aphutkhak ciangin tua Bus pen gamlapi ah kilawnkhia hi ci’n Russia’s Rossiya 24 TV Channel te’n genkhia hi.
Video leh Photo aki khahkhia te ah tua Bus pen zangawpliang a, meileng lampi sikzawn dungteng ah kitheh zakgawp hi. Ahi zongin meileng pen bangmah asiatna mittawh muhtheih pakding bangmah omlo cihi.
Video: Sixteen people killed in Russia after train-bus collision
Russian Railways panin thunei Spokesman Vladimir Myagkov in agenkhiatna ah hih Passenger Bus pen meileng in anawk madiak in meileng lampi sikzawn tungah aset asia hi ci’n Rossiya 24 TV te tungah genkhia hi.
Pawlkhat te genna ah meileng lampitung ah Bus asiat ciangin Passenger te’n thatang tawh sawnngeingai uh cihi. Tualaitak in thakhatthu in meileng hongtungvat in anawkkha ci uhhi.
Related: India, Mumbai meileng Station ah mipi kiphugawp in mi 22 si, adang 30 bang liamgawp
Tua Passenger Bus pen Kazakhstan gamah Register akibawl Bus khat hi a, ahi zongin asung ah atuang Passenger tepen Central Asian gamkhat ahi Uzbekistan gampan ahi uhhi ci’n Russian News Agencies te’n genkhia uhhi. Sawltak #zomidaily
Comment piaknop aomleh...