Korea gamah lungdamna thu kongkhak hongmasa mithum te

1880 kumpawl tengin, Korean te mi thum, Sen gamah nasem in om uh hi. Hih mithum tengin Sengam panin lungdamna thu ong za kha uh a, Zeisu itna, pom thei pah in, ongpiangthak uh hi. Korea kumpi in khauhtaka, a kham ahi, Zeisu Khazih’ lungdamna thu a gam uh ah, a puakzawh nading uh ong hanciam uh a, Laisiangtho a gamsung uh ah, a tutzawh nading uh a simtham in ong geel ta uh hi. Sen te lai le Korea te lai pen ki sun ahih manin, Sen lai tawh ki at Laisiangtho bu sungah, Korea Laisiangtho te a daldal in seel a, puaksim dingin ong geel uh a, kua pen in, hih a lian, a thupi nasep ngah kha ding cih me’ sawk in ong ki teel uh hi.

Mawhpuak ngahpa in, Korean Laisiangtho a vanlak ah seel in, khe tawh ni tampi sung gamgi lamzuan in ong pai hi. Gamgi a tunciangin, a vante kisit a, a Laisiangtho puak te ki mu in, tua pa ki that pah hi. A lawmpa uh a ki thahna thu a lawmte gel in a zak ciangin, khat pa ong kipan leuleu a, Laisiangtho a daldal in balkek a, a tuam tek in, a thungippi sungah ongseel a, a lawmpa mah bang in gamgi zuan in ong pai leuleu hi. Gamgi a tunciangin, kisit a, ki mu in, tua pa zong a ngawng ki tan leuleu hi.

A thumna pa zong a lungkia tuan peuhmah lo in, pilvaang takin ong ki thawi leuleu hi. Laisiangtho pen a daldal in ong balkhia zihziah a, a neu sitset in khep mangin, kawnggak neu mahmah te bangin puan khui a, tua sungah guangguang in, tua puanpek pen, pumsak sitset a, namkhau hekbangin khauzang khat bangin ong hek sitset hi. Tua Laisiangtho ki guang khau kik hek pen, a tungippi khaudingin ongzang in a lawmte pai na ahi gamgi lam zuanin nitam pi sung ong paikhit ciangin, gamgi ong tung ta hi, gamgi cingte in hoihtak in sit hi. Bangmah ki mu lo ahih manin, tua a thumna pa, a Laisiangtho puak teng tawh Korea gam ong tung hi.

Inn a tun ciangin, a khauteng phelkhia manga, a sunga Laisiangtho laidal ki khep teng lakhia in puantaihna tawh hoihtak in taih sitset hi. Tua khit ciangin, Laisiangtho teng a gawmtuah a, a pai na peuhpeuh ah Topa Zeisu’ hotkhiatna thu taangko pahlian hi. Tua ahih manin, missionary te Korea gamah lutkhuan a ngah uh ciangin, Lungdamna thu khaici a na ki tuh khitna thu mu uh hi.

Suanpu
Source: Ted W. Engstrom, What in the World is God Doing? (Waco, TX: Word Books, 1978). 161.