Klang zato aom Canteen ah zusa in anek laitak Video kizaihkha
Malaysia, Klang vengsung aom zato khat ii anzuakna “Buffet Food Counter” tungah zusa khatin ankamteh anek laitak Video kizaihkha citciat in, Social Media ah ki thehzak gawppah hi.
Hih viral video clip hangin Tengku Ampuan Rahimah Hospital (HTAR) aom anzuakna Canteen pen kumpi thunei te’n tawmveisung khakcipsak uh cihi. Klang District Health Office te’n zanni Friday nitaklam 2pm hun akipan Canteen khakcipding thu apiak uh ahihi.
HTAR director Dr Ding Lay Ming inzong hihvai tawh kisai in Video amuhkhak uhciang in Canteen Operator te thu kipiapah a, amanlang in anzuakna avekin siansuahding thu kipiakhin cihi.
Video: Video of rat casually dining at food counter, allegedly at a hospital, goes viral
Tua zusa in anzuakna Buffet Food Counter ah ankamteh anekna Video akizaih pen Second 32 bek sawt hi. Hih Video akikhahkhiatcil in Seremban aom Healthcare Facilities hi acitawh, Penang aom Healthcare Facilities hi acitawh Hospital tuamtuam upmawh kigen ngeingaitek hi.
Ahi zongin Klang aom Tengku Ampuan Rahimah Hospital (HTAR) cihtawh kikhupbawl ahih manin, HTAR director Dr Ding Lay Ming inzong Canteen pen akhakcipsakpah ahihi.
Related: Coffee Shop khat ii nektheih zuakte zusa nihin asikgawp laitak Video kizaihkha
Gamkhangto te’n hihbangdan Video kizaih, Photo kizaih in mipi muhdingin aki khahkhia tepen Constructive Feedback in ngaihsunthei uh a, ki puahphatna in neipah uhhi. Ei Zomi te neihsa ansai ahi zongin, Party vai, minamvai nasepna khatpeuh ahi zongin ahoihzawding deihsakna tawh Feedback kipia in, ki kuppihlehlah kiheh pahpahmawk a mate 🙂 Feedback piapia tepen agensiasia in ki ngaihsunmawk. Asem te’n semsemlai uhhi, sinailo uhhi, hong hoihtoto samlodiam kicimaimah a 🙂 Aki seplaitak, ahun aom laitak, Term abeima in deihsakna tawh Feedback akipiate awlmawhlo in, ki puahphat huaite puahphakeileng ahun beileh bang ihlawhdiam?
Deihsakna tawh Feedback hongkipia te laksiam in, ihki puahtheihleh ki khangto panding hi. Gamkhangto te’n Feedback akipiaklohding patau uh ahih manin, mipi tungpan, Customer te tungpan Feedback ngentangtang uhhi. Zomi te Feedback kipialeh kiheh in, thangpaihlak uh a, ki galneih saneih pahpahmawk theihi. Sawltak #zomidaily
Comment piaknop aomleh...