A pasal in phone lennuamlo ahih manin, atapa khailupsawm
Thailand, Bangkok khuasung ah nupi khatin a pasal phone asapsap hangin lennuamlo, nasepna panin inn ciahkiklo cihi. Tua nupinu zong ahehsuak mahmah in, a pasal ii alungsim asukhading in kumkhat bek aphapan atapa uh agawlpan in khautawh khai in, Video kizaih uh a, tua Video pen a pasal kiangah khak cimawk hi.
Video sungah nupinu in khaukhattawh atapa agawl ah khihtakpi in, alawmpa muhding in Video akizaihna sungah midangte kinmahmah, hih natapa ahina? Hiah khau namuhia, hih… cimawk hi.
Tuakhit ciangin atapa tawmveisung khautawh agawl panin khaitakpi mawk a, tuakhit ciangin agei muaiza “Mattress” tungah lawnphei sawnsawn hi. Bangmah theilo, kumkhatbek aphapan atapa zong kapvangvang a, khasiat mulkimhuai mahmah hi.
Tuakhit ciangin nupinu in Video sungah thugen kipan a, en in, sinailo hi. Tulaitak sisak nailoding hi ing. Ahi zongin tuni inn nongciah keileh mundang khatah paipih in thatding hi’ng. Phone kong sapsap hanglah lenlo, kaheh suakmahmah hi cimawk hi.
Nungkalsung in Bangkok khuasung ah thupiang hi a, athu akigenna ah apasal pen nasem in, ama nasep hunding amankhit ciangin alawmte khat nasem kuantheilo ahih manin, tua aitang in nasep Shift khat lutsuak cihi.
Nasep aciahhunngei in ciah hileh azi tawh Shopping paiding in ageelsa uh cihi. Nupinu in apasal asapsap hangin phone lenlo, innlah ciahlo ahih manin, Shopping paipihding a utlohman hiding cihtawh ahehgawp hihtuakmawk hi.
Video: Mom films herself threatening to hang baby because husband didn’t pick up phone
https://www.youtube.com/watch?v=iHAS4Ilx4mY
Hih Video pen a pasal kiangah akhak ciangin, a pasal inzong anu kiangah khaksawn hi. Anu inzong Facebook tungah nakhahkhia a, hong huh un naci sawnsawn hi. Tua panin hih video pen kithehzak “Viral” gawp in, anunung ah Police te’n theikhia uhhi.
Azi aomna Apartment ah Police te’n manpah uh a, Police Station ah thudotna neiding in ciahpih uhhi. Azi in agenkhiatna ah ka pasal pen 40-50 veibang kasapsap hangin phone lennuamvetlo cihi.
Ka lungsim kuaman hong theihpihlo hi uh teh, ka pasal in a phone lennuamlo, hong hopih nuamlo hi. Azi leh ata hongdonlo ahih manin, keilekei zong kaki thahlupsawm phial hi.
Hih Video pen Facebook panin Live Stream in ka khahkhiat hilo a, ka pasal ahehsuakding in ama kiangbek ah kakhak hi. Ka khakkhit ciangin ka ihmu a, kathawh ciangin Facebook tungah tua Video ki thehzak in, keizong patau mahmah hi ing ci’n genkhia hi.
Related: Papi khatin atanu akhailup laitak Facebook Live pan khahkhia
Reporters te’n na tapa asihsuak takpiding pataulo nahihiam acihleh ngaihsun mahin, asih zenzenleh keitawh sikhawmding hi ing. Leitung ah nuntata nuamnawn keng ci’n dawngkik hi.
Innkuansung nupakal buaina vai ahihtawh, anu thongkialeh atapa akemding aomlohtawh, apasal inzong thu bawlnuamlo cihtengtawh tua nupinu pen kimanlo in, ki khahkik cih kiza hi. Sawltak #zomidaily
Comment piaknop aomleh...