Ka zuihsiam loh tuanglam kazui

Ka zuihsiam loh tuanglam kazui

Dr. James M.Gray pen Moody Bible Institute-a President lui khat hi a, khatvei nakpi’n a cina-in zato a kilak hi. Amah a en Siavuanpa in, tuipi tungah zinin ki tawldam sak dingin a gen hi. A zinkhiat ni dingin hong gim zaw semin, khualzin thei ding mi hong hilo ta hi. A lungsim bei keei-in Pasian nangawn hong mawhsak phial mai ta hi.

Tua khit kalkhatna ciangin tadensa ah, “St.John’ tembaw tualpi panin a pusuak tembaw khat tuipi sungah tum hi. A tuang khempeuh sikhin uh hi” cih patau ko’na a hong ki zasak hi. Tua tembaw pen a tuan nading tembaw ahi hi. Amah zong tuangleh a sikhin ding ahih lam a kiphawk hi.

Tua thute a lungngaih kik ciangin, ama’ tunga apiang khempeuh Pasian in a ma’hoih nadingin a piansak na hizaw gige cih a muhkhia hi. Nak lungdam’ pha mahmah ahihmanin a natna zong phawkkha nawnlo a, a dam mualsuak ta hi.

“Ama deihna bang a sem dingin Pasian in a hong sap, amah a it eite’ aadingin na khempeuh a hoihlamin piang sak hi, ci-in i thei hi” (Rom 8:28).

“Banghanghiam cihleh Topa in kong cihin-ah, mailamah lametna note kong piak ding, na siatna ding uh hi lo-in na phattuam nading uh geelna ka neihte kei bek in ka thei hi” (Jer 29:11).

Ki pumkhatna in suahtakna

Kum 1964 February kha 29 zan-in Russia gama Khristian mi 150 te pen Barnaul khua-a Alexander Gusheinte’ inn ah a kikhawm uh hi. Thakhatthu in galkapte hong lutin hawlkhiat mang a sawm’leh ut hetlo mawk uh hi. Mat a sawm’ uhleh, “Ka vek un teeksia, naungek dongin hong man khin vet un, ko pen innkuankhat ka hi uh a, ka kikhen thei kei uh hi” a ci uh hi. Galkap mangpa in tuate enen a, “Hihte in thusia phuang kei buangun teh” ci-in a nusia lel uh hi. Tdkhen