Malaysia, KL khuasung ah Model numeikhat aguaktang in inntungpan kia in si

Malaysia, KL khuasung ah Model numeikhat aguaktang in inntungpan kia in si

Malaysia, Kuala Lumpur khuasung aom Jalan Dang Wangi vengsung Apartment khatpan in Model numeikhat aguaktang in kiasuk in si cih theStar pan kiza hi. Tua Model numeinu pen Apartment khat ii innpualam Balcony panin akiasuk ci a, apumpi tungah puansilh bangmah omvetlo “completely naked” in akiasuk ahihi.

Police te genkhiatna ah tua Model numeinu pen kum 19 aphakhin Ivana Esther Robert Smit kici Model minthangkhat hiding ci uhhi. Zu khamlua ahih manin Apartment ii Balcony panin akiasuk hiding kici hi.

Hih Model numeinu pen Dutch leh Belgian Citizenship nih atawikhawm hi a, Apartment ii inndawl 20th Floor panin akiasuk hiding ci a, anuai aom inndawl 6th Floor ii Balcony ah tusuk cihi.

Tua akiatsukna Apartment innsung ah American gammi pasal khatleh azi (Kazakhstan gammi) te aom uh ahihi. Tua nupa tetawh nitak kikhawlkhawm uh cihi.

Zanciang in tua nupa tepen innsung lupna Bedroom sungah lum uh a, hih Model nupen apualam Living Room ah alum ahihi.

Zanlam ciangin hih Model nupen aguaktang in zukhamsul in innpualam Balcony ah dakkhia in, akiasuk hiding in ki ummawh hi.

Ivana Esther Robert Smit pen “Malaysia Supermodel Search 2014” kidemna ah Second Runner-up angah ngeikhat ahihi. Tuahunlai in amahpen kum 15 bek phapan hi.

Hihvai tawh kisai in palik thunei ahi Dang Wangi OCPD Asst Comm Shaharuddin Abdullah in agenna ah hih Model nu ii sihna pen “Sudden Death” cihtawh Case kibawl cihi.

Tuciangciang ka kankhiatna, Investigation kibawlna leh aluanghawm aki kheina Postmortem tungtawn in aki muhkhiatna ahihleh hih Model nu sihnapen tuahsiatna tawh akiasuk ngiat hidingmah kici hi.

More: China ah mopawi bawlma akimawl, akidelhleh monu inntung pan kia in si

Aki sawnkhia, aki suamlum cihbangdan Foul Play bangmah omlo hi ci’n palik te’n genkhia hi. Ahi zongin hihvai tawh kisai in Information akician khatpeuh atheikha aomleh Police te amanlang in hong zasak un ci’n genkhia hi. Tangval te’n aguaktang in akiatna Photo pen hongngen citciat sese kei unmaw, palik te’n kuamah laknuamlo, amau etdingbek in kemsim uh ci. Sawltak #zomidaily