KL Airport sung kisuamlupna hangtawh mikhat kimatbeh leuleu

KL Airport sung kisuamlupna hangtawh mikhat kimatbeh leuleu

Malaysia, Kuala Lumpur International Airport sungah ki suamlupna hangin Malaysian Police te’n muanmawh mikhat matbeh leuleu uh cih CNA pan kiza hi. Friday (Feb 17) nitaklam in amat uh hi a, hihtawh hileh mi 4 akimatna uh hita hi.

Zannitak in amatkhiat uhpen North Korea gammi hi a, kum 47 aphakhin Ri Jong Chol kici minnei khat ahihi. Amahpen Malaysia gamsung ah Foreign Workers in aom ci uh a, gamdangmi nasep theihna i-Kad te atawikhat ahihi.

Hihpa pen Jalan Kuchai Lama aom Condo (Condominium) khatpan in akimankhia ahihi. Kuala Lumpur International Airport sungah Kim Jong Nam ki suamlupna vai ah numei 2 leh pasal 4 kihelding ci’n Malaysia Police te’n a upmawh uh hi a, tua pasal 4 te lakah khatbek amankhiazo pan uh ahihi.

Adang amatsa pen Vietnamese Passport atawi Doan Thi Huong, Indonesian Passport atawi Siti Aisyah leh Siti Aisyah ii alawmpa Muhammad Farid Jalaluddin cihtengthum ahihi. North Korea gammi amatbeh uhtawh mi 4 akimankhin suakta hi.

Abeisa Monday ni in Kuala Lumpur Airport sungah aki suamlumpen tulaitak North Korea gamah makaipi asem ahi Kim Jong Un ii asanggampa Kim Jong Nam ahihi. South Korea’s Spy Agency te ii genkhiatna ah hih kithahna vai ah anungpan asawlkhia pen North Korea te hiding hi ci uhhi.

Kim Jong Nam kithahna vaipen leitung ah minthang mahmah a, aki lunglut mahmah thuthang khat ahihi. Hihvai hanginzong Malaysia leh North Korea gamnihte ki telkhial dekdek kici hi. North Korea te’n banghangin amau phalna omlopi in Malaysia kumpi in aluanghawm Post-mortem bawlhiam ci’n lungkimlo cihi.

North Korean Embassy panin aluanghawm anget uhhangin Malaysia kumpi in piakhia nuamlo uh a, Post-mortem abawlna Result zong pulak khianuamlo kicihi.

More: KL Airport sungah Kim Jong-nam thatding in aki ummawh numeikhat ki matbeh leuleu

Kim Jong Nam pen nung Monday (13 Feb) ni in KLIA 2 ah Macau ciahding vanleng ngakin aomlaitak anunglam panin mikhatin lenin kamai tui “Liquid” hongbuak hi ci’n Kim Jong-nam in Departure Hall aom Receptionist khatkiang ah genin huhna ngenhi. Tuaciangin Airport’s Clinic ah kipuak a, tuahun laitak in alutang nasamahmah cihi. Airport’s Clinic panin Putrajaya Hospital ah puakdingin apailaitak in siziau hi. ZD Sawltak #zomidaily