Tusung UN vai thuthang & thuthak tuamtuam te kaihkhopna
US In Refugees Alak Ding Uh Khiam
US President lui Obama in 2017 kum sungin US ah Refugees mi 110000 lak dingin agel khit sa pen Pu Donald Trum in alang khiam in 54000 bek lak dingin na khel kik hi.Tuakhit banah Pu Donald Trump in hong tung ding 2018 kum ciangin Refugees mi 45000 bek laksawm ahih manin,US gam tangthu ah 1980 khit zawh US in Refugees atawm lak penpen kumin kiciamteh hi.
Tua ahih manin hong tung ding 2018 kum ciangin US in amun,agam tawh kituak a,Refugees alak ding zah pen anuai a kong gual suk dan ahi hi.
- 1. Africa 19,000
- 2. Middle East leh South Asia 17,500
- 3. East Asia 5,000
- 4. Europe leh Central Asia 2,000
- 5. Latin America leh Caribbean 1,500
- 6. Any Region 14,000 (India,Thai,Malaysia cih gam te hidingin ki ummawh) cih teng ahi hi.
Tualo US mah tawh kibang a,Refugees tampi tak ala ahi Canada gam in hong tung ding 2018 kum ciangin 25000 Laksawm in,Australia gam in zong 18000 lak dingin gelna nei uh hi. Lungdam, By. Pau Mung
UN Vai Them Zaksakna
Tutung US in (national security vai hangin) lauhuai tuak asak pian uh gam 11 pan Refugees te alak ding vai uh tawmvei khawlbawl phot dingin Oct 24 ni-in tangkona nanei uh hi.Tua a khaktan uh gam 11 te pen Egypt, Iran, Iraq, Libya, Mali, North Korea, Somalia, South Sudan, Sudan, Syria leh Yemen cih gam teng ahi hi.
Tuakhit banah US in refugee vai tawh kisai program thak khat tutung in bawl kik uh a,tua a program thak tawh kizui in Refugee tawh US ah apai ding peuhmah in tuma kum 10 lai a,aom na (ateengna) mun te uh leh a Innkuan pih te ii phone number leh Email address cih te hong theih sak uh kul ding hi ci-in US in tangkona nanei uh hi.
Tuakhit banah sanggam laizom,Innkuan pih kisam cih te zong tawmvei khawlbawl phot ding uh ahi hi.
Tua ahih manin hih US te Refugee program thak bawl vai hangin Refugee vai tawh kisai thudot (require) pen abeisa kum 5 lai sang in azah nih bangin thudot tam zaw ding hi. Lungdam, By.Pau Mung
Good News for Refugees
US President Donald Trump in Refugee te US gam luutsakna ni-120 sung akhaktanna hunbeita a, October 24, 2017 ni in Refugee te US gam sung luutziahziah theihnading suaihkaai-signed ta hi. Khamul cheapchuap gam-11 te limsitmahmah photding ci hi. Zomi Refugee te US ongnawh len ziahziah tading cihna hi. VOA Thang Khawm Pau
Comment piaknop aomleh...