China gamgicing galkap te’n North Korea tawh kilemloh laitak thaukap kisinna bawl

China gamgicing galkap te’n North Korea tawh kilemloh laitak thaukap kisinna bawl

Sengamgi acing galkap “Chinese Border Defence Troops” te’n abeisa Weedend sungin thaukap kisinna Drill nei uh cih SCMP pan kiza hi. China tepen agamveng ahi North Korea tetawh aki lemmelloh kawmkal ah hihbang in gamgicing galkap te’n thaukap akisin uh ci a, North Korea leh China kizopna lamzikpi “Main Route” aki khakcip khitzawh asawtlo in Drill abawl uh cihi.

Ageina hileh hihbangin Military Drill pen khuavot mahmah hunsung nanzawhna lahna in akibawlzel cihi. Ahi zongin tutungpen agamveng tetawh buaina kipan litlit in, tuakawmkal ah hihbangin thaukap kisinna Drill abawl uh hidinghi ci’n thusittel Analysts te’n genkhia uhhi.

78th Army Unit panin galkap honpikhat in Saturday zingsanglam in East of Inner Mongolia sungah Military Drill abawl uhhi ci’n State Media te’nzong pulakkhia uhhi.

Tua Military Exercise pen Zhurihe Military Training Base ii huamsung aom Horqin Grassland ah akibawl hi a, tuahun laitak in khuahunzong votmahmah in Minus 17 Degress Celsius bang aphak laitak hi ci’n PLA Daily Newspaper te’n genkhia uhhi.

Chinese President Xi Jinping zong tukum kipatlam in tua Remote Training Ground tengah paingei ci a, 90th Anniversary of the People’s Liberation Army vaitawh apai cihi.

Hih Military Drill abawlna ah Red Army Unit leh Blue Army Unit kikal akido, akikap takpi bangin kimawl uh a, vanleng tawh thuapite zangin Air Strikes, Electromagnetic interference, aerial reconnaissance cihbangin atuamtuam in kisinna nei uhhi.

Hih Military Exercise ngimna pen khuahun avot mahmah hunsung inzong akigingsa in omden ung cih lahnopna zong hi a, kumsim in abawl zelzel uh ahihi ci’n Military Expert khat ahi Chang Ching in genkhia hi. Amahpen Taipei-base Society for Strategic Studies pan ahihi.

More: Singapore vanlengtual ah migilo te ngongtatna aomleh thuhkikziading kisinna nei

Ahi zongin tukum hih Military Drill akibawlpen Friday ni in Chinese foreign ministry te’n Sino – North Korean Friendship Bridge kici Liaoning Province, Dandong khuasung aom kikawmna lei pi akhakcip khitzawhlian in akibawl ahihi. Sawltak #zomidaily