Tonzang khuapi pan zaksakna

Tonzang khuapi pan zaksakna

July 5, 2021 (Monday) ni meeting pan Kumpi nasem uliante leh Pastorte thuzawhna

2021 July kha sung kuamah Biakinn ah kikhawmlo ding. Mipi kikaikhawm Thungetna, Pawite bawl lo ding. (kumpi sang zong kikhaksak ahih lam thei in telsiam ni)

Kongpilui-ah gate kibawl ding a, zingsang nai 07:00 AM pan nitak nai 07:00 PM dong gate ah kumpi zum nasemte leh Pawlpi pan mi nih ta in kingak ding hi.

Tonzang Township sung limlim a om ten Hausa thukimna lai ke’ng hamtang ding, Khuasung pan gate pualam vaikuan nuamte’n Hausa lai mah keng ding.

Kalaymyo le Tedim pan hong lutte Zato nasem tawmlua ahih manin Zato ah kisit ding a, MMK 10000/- hong kila ding hi. Positive leh limtak kikem ding a, Negative leh Home Quarantine kal khat sung hong kikem ding hi.

Misi limlim a om leh vengtutna cihte kikawm thei nawnlo ding a, sigalten zong i galna sum pia ziau a ciahkik pah ding.

Sun 12:00PM (noon) ma misi khat peuhpeuh a om leh vuipah ding. Zan 12:00AM khit ahih leh zan tam sak dingin zingsang nai 08:00AM ma vui hamtang ding.

Covid tawh Zato pan hong nusiate peuhmah kuamah in a luang ngen theilo ding. (Siate leh makaite in Zato ah hun bawl pah ding a kivui suak pah ding.)

Inn pan hong nusia i om khak leh Zato nasemte sitsak hamtang ding. Covid Positive ahih leh a ngeina bangin kipai ding.

A beisa kha khat sung Zato lam pan kisitna a kikemte kua mah a si om nai lo a, Inn ah kikem in lam-et abei uh teh Zato hong tungte bek a si hizaw hi. Inn ah i kikepsangin Zatopi mah ah i kilah ding thupizaw hi cih i kitheisak hi.

Tonzang Township sung a Hausate ngah ding lai zong hong kipia kha ding hi.

More: Tuni Tonzang ah thu khentat pawlkhat ~ Pu Thangboi

Hih a tunga teng tawh mihing lam pan i kidal nading hiphot hi. Pasian kiang mah ah i vaite ap ni, aman hong sem ding hi.. Ei le ei mah i ki-itna, i kikhualna hi. Tonzang Christian Fellowship