Kimawlna leh Tumging ~ Pau Tun Thang

Kimawlna leh Tumging ~ Pau Tun Thang

Kimawlna leh tumging pen khango khat adingin a ki vom huai mah mah khat hi mawk ei. I hun awl te hite khong tawh zang leeng i mawk awm zawzen sangin hoih zaw hi. Cimthawina hoih lua keei khat ahi hi. Khangno a tamzaw in hi lam ki uk hi. Khangno te’ lungsim la mah mah mawk ahih manin a siamte mi hampha khat ahi uh hi.

Ki mawlna pen nam tuam tuam awm hi, kimawlna banah exercise lak zong a kitangsam mah mah khat ahi hi. Kimawlna pen exercise nam khat hi pah hi. Minam lian leh gamkhangto te in kimawlna leh exercise lak khawng na thupi ngaihsut mah mah uh hi. Khangno te bek tham loin kum upa te nangawn in exercise la ngitnget uh hi. Eimi te in kimawlna leh exercise lak lam pen thupi ngaihsut zo nai lo hi hang. Ngaihsun thei leeng i cidam nanga hoih mah mah khat ahi hi.

Kimawlna lamah eimite in maban limci nei hihang.Kimawlna tuam tuam ah i kiima awm vaite khong sangin talent hoih neih zaw hi hang. A diakin Football bang vaite sangin siamzaw tham hi hang. I cihtak zawh loh man leh a lampi i theih siam loh man in a kilamto zo nai lo hi hang.

I awmna Sports & Youth services Department pan a paizia ki kan thei ding hi. I kimawl neih sun te zat dan hoih het lo khat pen gualzo le uh a lop nang ci in zu dawn uh hi.Gual lel le uh lah a thuaknop nang ciin zu mah dawn zel ve ve. A citak leh a lunglut te adingin kimawlna pen neek zonna tak a cing khat hi.

Tumging leu leu zong a uk huai mah mah kaht ahi hi. I gim pian ciang khongin music tuam tuam ngai leeng nuam tuam hi. Tumging i cih zong nam tuam tuam awm leu leu in hite ah zong zomite in talent nei hoih mah mah vanglak hi hang. India galkap sung khongah tumging lam siamte adingin na awm hi. Hi lamah i bengvak zo nai meel lo hi. Eimi sungah music pen neekzonna tak cing zo nailo ahih manin namdang lakah iki bual zek uh kul hi.

Tumging leh kimawlna lam siam pen khangual phakna nam khat ahi hi. Hibang lam a siamte in lawm leh gual huai uh hi. Kuaman neu muh tuan lo mawk hi. Kimawlna leh tumging lam hih theih loh lawm lawm pen khangno khat adingin a nop loh hun awm mawk hi. Tua ahih manin a siam lua ihi kei zongin tawmbang khoih thei buang leeng hoih hi. Pau Tun Thang