Kiakmetna temta lengkhia in naupangno khat dengkha, alu phelnih kisuah

Kiakmetna temta lengkhia in naupangno khat dengkha, alu phelnih kisuah

Malaysia, Negeri Sembilan State sung aom Tampin District sungah kiakmetna temhiam “Mower Blade” lengkhia in, naupang khatin sihlawh a, adang naupang nihzong liam uh cih NST pan kiza hi. Tampin District, Gemas Town sung aom Sekolah Menengah Kebangsaan (SMK) Tuanku Abd Rahman ah tuni Tuesday ni in thupiang ahihi.

Hihvai tawh kisai in Tampin district police chief asem laitak ahi Superintendent Hamazah Abd Razak in agenkhiatna ah tuahsiatna apianhun pen tuzingsang 10:30am hunpawl cihi.

Mower setpanin kiakmetna temhiam pen akizat laitak in lengkhia in, naupang kum 14 aphakhinkhat denglumkha citciat hi. Tua naupang adenlup khakpen numeino hi a, amin Nur Afini Roslan kici hi. Kiakmetna temhiam in alu dengkha in, alu phelnih kisuahlian cimawk hi.

Hih asi numeino banah adang naupang kum 14 aphakhin Abdullah Hazlan leh kum 13 aphakhin Mohd Farhan Reza Badrol Hesam tezong dengkha in, ahi zongin amaubel bangmah sihlawhliang nadingin liamna ahuaisia laupi omlo cihi.

Video: Girl’s head split in two in freak lawn mower incident in Tampin

https://www.youtube.com/watch?v=CcUG48Z0ZFc

Hih tuahsiatna apianlaitak in kiakmetna Lawn Mower pen lokhoset ihcih Tractor khatin amaipan akaih laitak ahihi. Tua Lawn Mower tawh kiak akimet laitak in tua naupang 3 tepen ageinai ah aomkha hiding kici hi.

Hihvai tawh kisai in bangci bangin Accident piangtheihiam cihpen thunei te’n hoihtak kancian laiding uhhi ci’n Police Chief in genkhia hi.

Hih tuahsiatna Incident hongki zasak ciangin aphual ah Emergency Team te’n ki delhpah hi. Asi numeino ii aluanghawm pen Tampin Hospital ah kipuak in, Postmortem kibawlsak dinghi. Aliam naupang 2 tepen Gemas Health Clinic ah zatui kibawlding in kipuak uhhi ci’n Police Chief in genbeh hi.

Hih thuthang tawh kisai in theStar te genkhiatna ah Negri Sembilan aom Secondary School khatah thupiang hi a, sangnaupang tepen March-past Rehearsal abawl laitak in atuahsia cihi. Tua ahih manin, Education Ministry te’n hihvai hoihtak in akancian dingin “Special Internal Investigation Committee” phuanpah uh cihi.

More: 2018 kumthakzawh Myanmar gambup ah zinling 14 veibang omkhin

Hih kiakmetna “Lawn Mower” tepen tuahsiatna omthei zeuhzeuh a, “Mower Blade” kici temtahiam pen alenkhiat ciangin lauhuai mahmah a, tuahsiatna lianpipi piangsakthei hi. Sihhunding kipelh theikei ihci phialzongin hih Lawn Mower kizatna ngeinai ah naupangno te’n anehkhak lohdingpen hoihzaw theiding hi. Sawltak #zomidaily