Kawl Mihaupi te in Rakhine Huhna Sum piakkhiatna

Kawl Mihaupi te in Rakhine Huhna Sum piakkhiatna

Rakhine gam lam thak kik nading in Daw Aung San Suu Kyii ngiat in huhgetna sumdong aa, Kawl mihau te in Kawlgam sum Sang (Tein) 177000 ks pia khia uh hi.

HIh huhna apia sung ah, Kawlgam mihaupi te ahi U Aung Ko Win in Sang 30000, U Tay Za, U Khin Shwe, U Kyaw Win, U Zaw Zaw te in Sang 10000 cih bang in pia khia uh hi.

Rakhine Gam buaina hang in, Kawlgam Kumpi in leitung gam tuamtuam te mawhsakna akithuak lai tak in hih bang in gamsung a om mihaupi te kiang pan huhna ki dong ahi hi.

Hih bang in huhna piakna tawh kisai in, mipi sung pan in muhna tuamtuam om a, mi pawl khat te in in gamsung kipumkhatna le thahatna, Kawlmi te piakhiat zawhna te leitung gamtuamtuam te muh theih ding lahkhiatna in mu uh a a tha ngah mahmah om hi. A lang khat ah, hih dan a huhna a pia te in amau ngah kik ding hamphatna tampi muzaw uh ahih man in apia uh ci in kimu uh hi.

Related: Myanmar, Rakhine, Maungdaw sungpan khakhat sungin mi 84 kithatlum

Tuni akipiakhia USD tawh hi leh Million 13 val bang pha hi. (1USD = 1359 MMK) Hih huhna te pen (Union Enterprise for Humanitarian Assistance, Resettlement and Development in Rakhine – UEHRD ) – Rakhine Gamsung Mihing dongtuakte panpihna ding, Munlemual piak kikna ding le Khantohna ding Nasep na te ah kizangh ding ahi hi. Zingsol