Ki it pipi kikhenna gam ~ Tdkhen

Ki it pipi kikhenna gam ~ Tdkhen

1. I it, i-ngaihte ompihpih leng i-piak, i-bah ding ki zong man lo dinga, kigal’-et vangvangin kikhen a kul hi.

2. Innkuan kim diamdiam ding phuh leng, i-huang sungah i-zatkhop ding a om’ kei buangleh i-kitasam ding hi.

3. I tate a pil’ nading uh deih sakin, pilsinna lam i-zuan saka, a sangsum ding zongin i-kikhenton hi.

4. Innngakte lobuang a dangte kuankhiat ding a ngeina hi-a, sun sung kikhen hun, zan sung kigawm hun ahi hi.

5. Ganhingte kimu phetin kilem lo-a, om khawmkhawmleh kilem hi. Mihingte kimu phetin kilemin, om khawmkhawmleh kilem lo hi.

Tua ahihmanin i-ki-itna-te sawt i-man nopleh:

(1) Unau khat kiveeng lo ding!

(Ankhing thu leh nau-no, ta-no thu-ah kitelkhial thei).

(2) Unau khat sum-le-paai-ah kipawl lo ding! (Ih lametna bangin na piang pahpah lo thei, kitelkhial thei, ki unau’-na dongin kisia thei).

(3) Unau khat sum zon, paai zonna ah kikhawl lo ding! (Supna tuak leng kituak khawm ding, a kihung, a kidelh sawn om lo ding).

(4) Unau-nau, innkuan-kuan-a khualzin paksak lo ding! (Siatna khat tuak leng kisia lua-liang thei).

(5) Kikhen zel leng ki-itna thaksuak, sawtvei kikhen leng kilungngulhna om, khangkhat kikhen leng pham sate’ kiang ki-ut! (Neu khavei kikhente nopna neu, sawtvei kikhente nopna lian, si-le-hing kikhente Sian’ ang-lai-ah um bang khawlkhawm ding, beilo cimlo maang den ding, tawntung lii-bang cing ding hi. Tdkhen