Lengtonghoih Music Party ~ Lengtong Pauno

Lengtonghoih Music Party ~ Lengtong Pauno

Lengtonghoih Music Party (…amau hong sapnamin hi) Amun: Dr. Kamkhenthangte’ inn. Imphal, Manipur Ahun: 1984 Avai: Paitemi kumpi naseem officer te’n Lengtonghoih Music party te holim/ankuang uumpihna, Kumpi nasem officer 30 khawng tawh holimna.

Pu Chairman: “Lengtonghoih music party te nahi ua, bangziak? bangkawk? bangdeihna a Lengtonghoih cih min phuak kherkher nahi ua leh, kathei ut lawtel uh”…

Lengtong Pauno: “Lengtonghoih icihpen, unau pasal 7 lak a khatbek, a u te’n adeih khempeuh apiak nungak melhoih minthang khat hi. Tuanu’ min ala hi ung. Ahizongin, Leng, Tong, Hoih min kammal3 pha hi.

1. Leng: Leng icihpen the namkhat hi. The lakpan in neupen napi a aw ngaihpen hi. Ko’zong Zomi sungah tuadanlian hi ung. A aw ngaih mahmah napi, neulua ai’hmanin atuan’na mun kimu zolo a, asingkung lokgawp leeng, hong leen’khiat takteh atuan’na mun kitheipan hi. Ko’ zong nong khasiatsak uleh, ciah vingveng le ung, ka nungsang uah ka manphatlam uh hong theipanding hi uteh haaaa.

2. Tong: Kampau, awsuah cihzong hi. Adangkhat ah, khawhletuk, khawilevulh, gawhleluup, thahlemat te ah, gualtungva bangka tuanghi, ci in ki tong hi. Zomite zong, pilna siamna hauhna liatna mitawh kikimta hihang. Atong dingte ihi hi, Halelujah!!!

3. Hoih: Pha, sialo, hoihmah hipah hi. Tonghoih: Kamkhum, kamdam, kamnem, kamzol, kampauhoih azangding Zomite ihi hi. *Lengtonghoih: Unau pasal 7 lakah numei1 bek hi a, a u te’n adeihkhempeuhpia, vana aksineelkai nangawn deihin aladingin a u te kuan hi.

Video: Lengtong Pauno tawh holimna by Zomi Daily

Tuamah bang ahi ko’zong, kadeih bangbang uh hongpia un. Vana aksineelkaai zong va laksak un kaci a, vekpi nuihna tawh ka thugen ka hial’ bawl hi”. Tuahuna apaikhathei mi 6 pha ung. Kei, Suamang, Pauthawn, Gohau, Golian, Tuangpu (Suamang’ sunghpa) cih teng hi ung. Kha 4/5 sawt ung. Phawklaiteng hi. Ka lungdam, Munkhai’pa (Dr Kamkhenthang kacihpen, Literature Ph.D hi)