Singapore aki tuancilgawppa amaitang siacipgawp in bawlphat kulding

Singapore aki tuancilgawppa amaitang siacipgawp in bawlphat kulding

Singapore gamsung Golden Mile Complex ah midangkhat atuancilgawp pasalpa pen zanni Monday (October 16) ni in thu kibawlta cih Stomp pan kiza hi. Tuapa minpen Wee Boon How kici hi.

Hih buaina thupiang pen abeisa October 11 ni zingsanglam 3am hunpawl in Golden Mile Complex ii dailenbuk Toilet pualam ah thupiang ahihi. October 14 ni ciangin hihpa pen Singapore Police te’n mankhia theipah uhhi. October 14 ni inzong tua buaina apianna aphualtektek ah ki paipihkik in, agamtatzia ki laksakkik hi.

Tuatcipgawp athuakpa pen amaiteng siacip ahih manin, amaitang bawlphat kulding “Facial Reconstruction” ciliang hi.

November 13 ni ciangin thukhenzum Court ah thusitna kineikik dinga, tuaciang in kumbangzah thong kiading cihte ki pulakding hi.

Hih atuangawppa Wee Boon How leh tuatcip athuakpa pen athu akikancian ciangin abeisa in aki theingei uh hilo cihi. Tua buaina apianni in khatlekhat ki en gega in, tuapan in Wee Boon How akicipa in atumgawp cimawk hi.

Strait Times te pulakkhiatna ah hih akitawng pasal 2 tepen anih un zukham mahmah cihi. Amai tuatcilgawp athuakpa pen tuanitak alawmte tawh Gold Mile Complex sungah annekhawmding in apai uh cihi.

Singapore Civil Defence Force te genna ah tua tuatcilgawp athuakpa pen amai nakliam mahmah a, Ambulance tawh Tan Tock Seng Hospital ah ki puak cihi.

More: Singapore, Golden Mile Complex ah pasal khat atuancil gawppa kimanta

Khangno pawlkhat te’n “hong gul et ken” acih tepawl, “namel in hongphin” acihdan tepawlpawl hikhading hi. Midangkhat mawk et gega zong kitotna apiangsakthei hihtuak mawk a, hih buaina zong “staring incident” kicihsak hi. Sawltak #zomidaily