US te’n aki pawlpih ding uh zawn
US te in IS te kap sawm ahih man in, a kipawl pih ding gam zawn a, UK leh Saudi Arabia gam te zong kipawl pih sawm uhhi. Hih IS te in US gam na ngawng vauta uh ahih man in, lung hi mawh na din mun ah om ta hi.Hih IS te gamtat na hang hang in UN in nakpi tak in mawhsak na thu ngen hi.IS te bawl siat te pen,Khristiante, Yazidi, Shabaks, Turkumen, Kakae leh Sabeans te ahihi. UN te in IS te gamtatna, mi bawlsiatnate limtak in kan in nakpi in mawhsak hi.
US te in Kurdish te leh Iraq te huh in, Musol kim a IS te 115 vei van lam tawh kap khin tahi.Lamdang thukhat ah IS te tawh lum khawn ding inAustralia, US, UK leh Malaysia pan numei te ki pumpiak uh cihi.Malay gampan numei 50 pha cihi.Tua ban ah IS te tawh galkap nasem khawm ding in Netherlands pan zong mi 130 om in, mi 14 si khin in, 30 te ciah hi cihi.pawt khat gamdang pai ding a upmawhte uh thusit in khawl sak hi cihi.Gam nih gammi hihna anei pael khat om in, tua te pen Netherlands kumpi in gammi in kisan lo ding hi cihi.
Zani in Syria gam a om Islamist gam nuai mite al-Qaida te tawh ki zom te in Golan a om UN galkap phillippians te 32 um cih uh a, ahih hang Syria leh Israel galkap te in a ihmut kal un, hon khia thei hi. ISIS te in Syria galkap galmatte 250 that sak khin cihi.
Zani in Pakistan khuapi ah gammi te in presidentpa deih lohna lungpho lak na nei in, palik 26 leh mipi 264 te liam hi. Mipi te in president pa deihlo uh ahih man in khawlta in ci in mipite in lampi dung ah lungsim pholak na nei uhhi.
Russia te in Ukrain gam nisuak na lam ah galkap aza lom leh tank a za lompi mah tawh om uh ci in, EU ki muh khopna ah Ukrain president Proshenko ingen in, EU makai Barroso in theihsak na gen in, sumlei sum zuak na lam tawh Russia te koi bang dan in akhauh zaw in khaktan na bawl leuleu ding hiam ci in thu kikum uhhi.
CIAMNUIH
Thangno in asungpa kiang ah, hih gan an ding buhtu tansa te pen nang a ding hi cihi.Thangno sungpa zong ateh a leh tang zanih pha lo in 120 bek pha hi.Amah zong kaleisa hi buan a ci in lungkim lo sa in , innah aciah hi.Inn a tung a leh a ta nu Thangno zi zongna om a, athu la te gen pah hi. Thang no zi zong heh lua mahmah ahih man in, U Thang bang hang in nang a hong it mahmah kapa lawnlawm na khem a cih leh Thangno in,” midang la khemzo lo ka hihciang, kasungpa mah ka khem kei a leh” cih san zuai hi.Thangno zizong heh lua mahmah ahih man in,”aw thei ta ing ei, ei a hong it mahmah te mah khem nop pen ahi ve maw cihi.
Ei ahong it mahmah ih nu ih pa, mah khem nop pen hi.Ei ahong it mahmah Ih zi ih pasal te mah khemnop pen hi.Ei ahong it mahmah ih ta te mah khemnop pen hi.Ei ahong it mahmah ih lawm ngaih nu/pa mah khemnop pen hi.Ei ahong it mahmah ih lawm te mah khemnop pen hi.
Mizo te ciannuih bawl siam Thang Kula in ” mikhat ka khem a zua ka puah a leh ka zuakhem a man mah ci hi in mi up na ding in,zua sawm vei ka phuah kullai hi cihi.Davib in mi zi tung ah khial in, a khialhna aki theiloh na ding in mithat hi. Mawhna khat ih bawl ciang aki theiloh na ding in bawlbawl kul lai hi.Ahih hang Pasian in mawhna na mudah mahmah a, mawhna hang mah in hoih sa in athuphapiaksa abawlsa nate samsia hi. Ahih hang mawh na kisikkikna san hi.Davib zong kisik kik in mi zi tung ah mawh nawnlo in, tapa taimangpa zong kisik kik in tai mang nawnlo hi. Kisikna maan ihcih in mawhnei ih hih lam kitheina, mawhna hang a dahna lehmawhnop nawnlohna lungsim te ahihi. Ref: jpost, bbc. Cin Ngaih
Comment piaknop aomleh...