US Airport ah khualzin khatpa ii vanlak pan voklu emsa kimukhia

US Airport ah khualzin khatpa ii vanlak pan voklu emsa kimukhia

US gamsung vanlengtual khatah Passenger khatin voklu aki emsa in apuak kimukhia cih kiza hi. Tua voklu aki matkhiatna vanlengtual pen Georgia State, Atlanta khuapisung aom Hartsfield-Jackson International Airport pan ahihi.

Vanlengtual sungah Police tetawh akithuah uipil mahmah khatin Passenger te ii vanpuak te napsak kawikawi a, tuaciang in Passenger khat ii vansung panin voklu emsa in aki tunphitphet khat aki mukhia ahihi.

Tua voklu pen aneuno cikkhat hihetlo in, agihna 2 Pound bang aphakhat ahihi. CBP (United States Customs and Border Protection) te’n Monday ni in apulakkhiatna ah tua voklu pen Ecuador gam ii khualzin khat ii Baggage sungpanin aki mukhia hi ci’n genkhia uhhi.

Uipil te’n tua Luggage sungah van lamdangkhat om cih alah ciangin, tua Luggage pen kihongkhia in asungah khualzinmi te ii apuakngei ahilo vanlamdangpi khat aki mukhia ahihi.

CBP Area Port Director for the Port of Atlanta Carey Davis in agenkhiatna ah ganhing natna tuamtuam leh lungno tuamtuam US gamsung ah alutloh nadingin gamdangmi khualzinte ii vanpuak te limtak ki sitcian hi. Hih voklu aki matkhiat theihna tungtawn in vanlengtual ah khe 4 tawh nasem K-9 uipil te ii nasepzia pen kimuthei hi. US gampen hong dalsak thei cih kimukhia hi ci’n genkhia hi.

More: Thai gamsung Voksa zuakna gei ah Bomb puakkham, mi 3 sipah, 22 liam

Tua voklu leh amukhia uipil te ii Photo tezong CBP Southeast te zat Twitter Account tungah ki suaksak hi. CBP te’n hihbangin voklu aki matkhiatsakna ahangpen US gamsung ah voksa leh voksa tawh akibawl nektheih khatpeuh alutding kiphallo hi. Tuapen “foot-and-mouth disease” kici natna hitaleh Swine Vesicular Disease kici voktawh kizom natna tawh US gamsung ah ki thehzakloh nadingin aki khamcip hi ci’n gencianna nei uhhi. Sawltak #zomidaily