Khedap zuak minihte tungpan thalakna

Khedap zuak minihte tungpan thalakna

Hun khat lai-in a khangto nailo gam khat ah khedap zuak dingin mi nih va pai uh hi.

A mun a tun ciangun a khatpa in a zi phone sam pah-a, “Ngaihno aw, hong ciahkik pah ning… Banghang cihleh hih taka mite’ khedap bulh khat zong omlo ahih manin khedap zuakna tawh sumbawl ding lem kenteh,” ci-in gen-a, a zingciangin a ciah pah vingveng hi.

A khatpa leuleu in a zi phone sam pah a, “Ngaihno aw, i sumbawlna lawhcing ta ding hihang ei. Banghanghiam cihleh hi taka mite’ khedap bulh omlo ahih manun a gambup un khedap zuak thei ding hi hang. Tampi hong khakbeh pah dingin na kiging in,” ci-in a gen hi. (A Tale of Two Shoe Salesman cih kong teisawn ahi hi).

Ngaihsut Ding

Na khempeuh a muhdan siamleng ei ading hamphatna khat teitei om lua hi.

Mite thanemna kimuhmawh bawllo in ei hihtheihna zah tawh panpih leng ei ading zong supna hilo hi.

I khantoh ding le i lawhcin ding cih zong i muhdan le i sandan tungah tampi kingah mahmah hi. Lungdam, Dong Mung

A gualzo mite le a guallel mitekilamdanna

✔ A gualzote’n: Gelna ka nei hi, ci uh…
✖ A guallelte’n: Paulap kician ka nei hi, ci uh…

✔ A gualzote’n : Keimahmah hanciam in ka sem ding hi, ci uh…
✖ A guallelte’n : Hih in keima mawhpuak/nasep hikei, ci uh..

✔ A gualzote’n : Buaina khempeuh a ven’sak theih nading lampi om, ci uh…
✖ A guallelte’n: Na khempeuh ah buaina le haksatna lam bekbek in hong tuam, ci uh…

✔ A gualzote’n : Khua a nim nakleh guah zu dinga khaci hoih ding, ci uh…
✖ A guallelte’n : Guah a zuk naakleh khaci sia in, ankungte sia ding, ci uh…

✔ A gualzote’n : Haksatna sungah thupha tampi om, ci uh…
✖ A guallelte’n : Thupha sungah haksatna tampi a om, ci uh…

✔ A gualzote’n: Buaina aw nang sangin ka Pasian lianzaw hi, ci uh…
✖ A guallelte’n : Topa aw, ka haksatna bangzah takin lian hiam, ci uh…

Sanggam aw, nang tu-in koipen hizaw na hiam?

• Gualzote dinmun maw?
• Guallelte dinmun hizaw?

Lungdam, Dong Mung