To,
Pu Go Suan Khai, Chairman of GA Tedim
Telcing MP teng
Khuasung Hausa teng
ZYF Tedim
TYF
Date: October 27, 2016
Sub; Kawlgam aom ei Zomite tungah ngaisutna kuppihna.
Ih Zogam a’ding ngaisutna te; Dr. Suan Za Dong in MRTV leh RADIO Program vai hong kuppih mah bangin kei zong ka lunggulh thu khat ka hong kuppih nuam hi.
Ih Zogam ah Reserved Forest leh Wild life Sanctuary neih ding kisam leh hun kasa mahmah ta hi. Nidangin tua bang mun ding zong hileng, ih khua ciat-ah ihpu ihpa te neihsa logam, singhalh vive hi aa, gamval om peuhmahlo hi. Tuabang Reserved Forest leh Wild life Sanctuary dingin a omsa khua te zong kituah, kikhin sak theilo hihang.
Ahizongin khuahunin (Tabawa or Nature) hunta sa hiding hiven nung kumin ih Khamtung gam ah guahpi hong tam mahmah aa, Thaangkai gam aa om, Kahgeen, Theenzang leh Vongmual khua thumte ten’ thei nawnlo nading zahdongin hong susia aa, tua khua miteng, Tedim khua leh Khai Kam khua te ah kitengsak kik uhhi. Tua khua mite, khuapi sung pan Thaangkaai gam ah vah ciah kiknawn khollo kha ding hi.
Tua ahih ciangin tua khua 3 te gamteng ngenin, RF leh WLS dingin kemcing leng hoihlo ding hiam cih kong pulak nuam hi. Kum 10 sungin, Vompi , Sahang, Sazuk, Zangsial … Vapi, Vavu, Vaphual… cihte ih omsak kik ding hi.
Hih thu zong zanlam in ih MP pa Pu Gin Kam Lian tawh ka kikum kha uh aa, hoih ka samahmah uh hi. Pu Gin Kam Lian sabeng uk khat hi aa, kei zong sabeng uk khat ka hihi.
Tonzang gamsungah zong koimun hoih ding hiam cih ih kuadak giaugiau kulta ding hi. “President Theodore Roosevelt killed wild animals by his Rifle but saved their life by his pen” kici hi.
Project Document, Project Plan hong bawl un, huhna zong ding hihang.
Lam-etna lianpi tawh,
Khupkhan Thang Taithul
Norman, OK 73072.
Cc; GZA, Tedim Association, ZYA, ECODS, Zominam, Zonet, Mimal pawl khat.
Note: A Email address ka theiloh, Pu Go Suan Khai, Ih MP teng, Khuasung huasa teng, Sipen Committee teng leh Pu Hang Cin Hau na piak sawn sak un. Lungdam
Comment piaknop aomleh...