ZIUSA GENVAI: Sum Don Kikna ( RE: Pa Thang Khan Dal)
Dear Zomi Innkuan Kipawlnate’ Genvai tanu-te leh Genvai Thukhunpom-teng:
Genvai Thukhunpom khat ahi Jacksonville, Florida, a teng PA THANG KHAN DAL in hong sihsanna hangin ZIUSA in Genvai Thukhun tawh kizui-in luangphamna sihgaalna ding in Piakkholh Kivuina Sum $ (5,000) kipia khia hi. Tua man in, Piakkholh Kivuina Sum dipkikna ding in anuai-a bangin Genvai Thukhunpom khempeuh in Sum nong piakna ding un zahtakna tawh kong theisak uh hi.
· Sihna a tuak Genvai Thukhunpom Min – PA THANG KHAN DAL ( Lian Za Pau)
· Sih Ni – October 15, 2014
· Pianna/Khanna Khua – Thangzang; Tedim
· Kipawlna Min – Jacksonville Zomi Innkuan
· Genvai Thukhunpom Suah Ni – July 31, 2014
· Kivuina Sum ngah/piakkhiat zah – US $ 5, 000 ( Tul-nga) – ZIUSA Genvai Thukhun XII :1 (a) zui-in; 50%
· Piakkholh Kivuina Sum Ki-dongkik ding zah – ZIUSA Genvai Thukhun XII :1 (b) zui-in
o Khatguak (Single) Zomi khat – $ 5
o Nupa kopkhat (Couple) Zomi innkuan khat – $ 8
o Ta nih (Two Children) ciang anei Zomi innkuan khat – $ 8
o Ta thum (Three Children) leh atamzaw anei Zomi innkuan khat – $ 10
· Anunung pen Sum piakding Ni – November 14, 2014 ( ZIUSA Genvai Thukhun –V- (3) zui-in)
· Sum puaknang leh kizop nang Tanupi –
Pa Tual Sawm Lian
(Bawi Lian)
Secretary of Genvai
Zomi Innkuan USA, Inc.
2529, E 88th St, Apt # 612
Tulsa, OK 74137
716-228-5071 (Cell)
[email protected]
Genvai thukhunpom a kuama peuh in, abeisa hun in sihna thu ah Zomi khat a hun nunung ah mangpha khakna, sih gaalna in ngaihsun a, Genvai Thukhun zui-in sum kidon kikna-te ah mapang zomna-te tungah lungkim huai mahmah a, tutung zong a kuama ciat in mapanna te khahsuahlo in mapang khawm ciat ni.
ZIUSA Genvai i neih zawh kum khat hi pan mah leh aom sa Genvai Thukhunpom-te cihtakna leh a hunhun in Genvai Thukhunpom ki beh laplapna hang in i Deposit Sum kibehlaplap in i Genvai bulkip semsem suak a hih man in tha-ngah huai mahmah hi. Tanu hong sem zaw deuh te ahi ZIUSA Genvai Tanupi Pa Tual Sawm Lian, Data Entry hong neihsak David Thangno (Cin Khen Thang) leh a munmun a sum donna hong neihsak Zomi Innkuante’ Genvai tanu/te tungah ZIUSA in lungdamna lianpi kinei hi.
Zomi sungah na mapanpih uh,
Executive Committee
Zomi Innkuan USA, Inc.
Taang’in,
Pa Do Khan Khup
General Secretary
Zomi Innkuan USA, Inc.
Comment piaknop aomleh...