Malaysia Jalan Ipoh – KL lampitung ah mawtaw 4 kiphukha, numei 1 si

Malaysia Jalan Ipoh – KL lampitung ah mawtaw 4 kiphukha, numei 1 si

Malaysia gamsung Jalan Ipoh – Kuala Lumpur lamzikpi tungah tuni Friday ni in Motor Accident pianga, numei khatin sihlawh cih theStar in genkhia hi. Hih mawtaw kiphutkhakna ah mawtaw 4 tak kihelkha in, tualak ah khatbek in sihlawh bilbel hi.

Asi numeinu pen Nurse khat hi a, kum 33 aphakhin khat ahihi. Aminpen Norizan Harun kici a, mawtaw kiphutkhakna aphual ah sipah hi. Asinu ii apa pen Police Station Chief khat cihzong kiza hi.

Police te genkhiatna ah hih mawtaw kiphutkhana ah mawtaw neu 3 leh Lorry golpi khat kihel a, tusun 11:50am hunpawl in aki phukha cihi. Asi numeinu ii hawl mawtaw leh Lorry mawtawpi tepen Kampa panin Ipoh lamzuanin apai uh cihi.

Numeinu ii hawl mawtaw pen Lorry ataina lamzing lamsang ah thakhatthu in pialpheivat ahih manin, Lorry hawlpa’nzong kihepsawm hi. Ahi zongin kihemman nawnlo ahih manin, numeinu hawl mawtaw phupheikha ahih manin lamzik alanglam ah kilawnphei cihi. Alanglam ah honglehpai mawtaw nihte tawh kiphukha leuleu in, numeinu hawl mawtaw pen zancipgawp hi.

Numeinu pen aphual ah sipah a, Lorry Driver leh adang mawtaw nihpan Drivers te kuamah aliam zong omlo uh cih kiza hi. ZD Sawltak #zomidaily