Myanmar, Kayin State ah Electric meikhau panin datlaih sakkha in mi 5 takin sihlawh

Myanmar, Kayin State ah Electric meikhau panin datlaih sakkha in mi 5 takin sihlawh

Myanmar, Kayin State sungah siktawn khattawh Electric Power Cable meikhau ki sukhasak ahih manin, mi 5 in sihlawh cih Eleven Myanmar pan kiza hi. Kayin State, Tharmanya khuasung ah nungkal Saturday ni in thupiang ahihi.

Tuani in Tharmanya khuasungmi Maung Par kici papi khatin atapa khatleh adang mi 2, akigawm in pasal 3 te kiangah Mobile Phone Tower hong tuahkhiatpih un ci’n gen hi. Tua Mobile Phone Tower pen amau bawltawm hi a, asanna pen pi 32 asang ahihi.

Tua pi 32 asang Mobile Phone Tower in azat uh siktawn saupipen atuahkhiat laitak un, adawnlam in Electric Cable meikhau nasukha citciat hi. Tua meikhau pen ageinai aom khuatung khatah akikhung ahihi.

Tua Electric Power Cable tawh aki sukkhaksak uhciangin datlaih “electrocuted” piang a, tua siktawn alenkha pasal mi 3 te sipah uhhi.

Maung Par ii azi in apasal apumpi meikuang amuh ciangin acihnading theilo a, tuitawh abuahleh azi zong datlaih “Electrocuted” in sihpah sawnsawn hi.

Hih tuahsiatna amukha ahi Kum Anaing in agenna ah hih tuahsiatna pen tomkhakal sungin apiangziau ahihi. Hih tuahsiatna ah asi te lakah pasalno tangvalno khatzong kihel a, tuapapen asawtlo in zi neiding in aki geelkhin ahihi. Tuapa ii anu apa tezong hih tuahsiatna ah si uhhi.

Hih atuahsia te ii siktawn ahep khiatsawm uhpen gikmahmah hi. Giklua ahih manin, hoihtak lenkip zolo in, mei apailaitak Electric Cable tungah tat kha in, a datlaih kha ahihi ci’n genkhia hi.

Hih tuahsiatna hangin thakhatthu in mihing 5 takin sihlawhziau uhhi. Asi te ii aluanghawm pen Local Charity te huhna tawh Hpa-an General Hospital ah kipuak hi.

Police te’n hih tuahsiatna Tragedy vaitawh kisai in, athu ala hoihtak kancianding uh kici hi. Myanmar gamsung ah Electric Power aki hawmkhiatna khuamte “Electric Pole” tepen pawlkhat luiluata, hoihtak kipuahlo ahih manin, datlaih in asipen omthei zelzel hi.

More: Vietnam numeikhat alupna ah Phone Charging tawh datlaih in si

2016 kumsung inzong Electric mei vanzat asiatna “faulty electrical equipment” hangin mi 6 takin sihlawh uhhi. Tua pen kha 2 hunsung in atuahsia in asi uh ahihi. 2017 kumsung inzong Myanmar khuapi Naypyitaw ah hasiavuan asin laitak “dental student” khat akisil laitak in Shower Handset panin datlaih in sihlawhhi. Sawltak #zomidaily