Kawlgam leh Brunei visa kullo in ki hawhtheiding

Kawlgam leh Brunei visa kullo in ki hawhtheiding

Myanmar leh Brunei Darussalam gamnih te’n thukimna khat bawl uh a, hih gamnih panin aki hawhnuam aom uhleh Visa lakkul loding cihi. Hih gamnih thukimna vaitawh kisai Ministry of Foreign Affairs te’n October 20 ni in taangkokhia khin uhhi.

Hihbang in avaihawmna pen Myanmar leh Brunei gamnih kikal ah ki lawmtatna akhan semsem nading leh gamkhat leh gamkhat aki hawhnuam te adingin olno tak in ki hawh ziauziau theihnading lunggulhna hi ci uhhi. Aki cianzaw in Brunei gammi te Kawlgam ah hong hawhnopleh visa lakkullo, Kawlgam mite Brunei ahawhnopleh visa lakkullo cih ahihi.

Hih Visa lakkullo “Visa Exemption” tawh aki hawhte pen ni 14 sung nuaktak in tamtheiding uhhi. ZD Sawltak