Bible Society of Myanmar ah Huhna puak ding zaksakna
Dear, Sia leh makai Texas sung om Zomi Biakpiakna tuamtuam khempeuh,
Zomi Christian Ministers kipawlna i makaih na tawh kum sim in, Leitung mun tuamtuam a om, Zomi Christian ten August kha sung nipi ni khat sum don ngah bangbang Kawlgam Bible society ah puak ding ki ngaihsun hi.
Hih pen abeisa kum nih lai pan i sepsa hi a, pawlpi tuamtuam leh mimal in zong ki pavuan ciat hi.
Tua hi a, tukum ai ding hong tung kik ta ahih man in August kha sung nipi ni khat sum don teng i puak ciat na ding kong zasak kik hi. Hih pen pawlpi ahi zong, mimal ahi zong in ki pavuan thei hi.
I piak bangbang, mimal ahi a, pawlpi min tawh ahi zongin Kawlgam Bible society phualpi ah record hoih tak ki nei hi.
A puak nuam te in kei, John T Hum tung ahi a, Zomi Christian Kipawlna sum keem Rev. Cin Do Thawng tung ahi zong ki puak thei ding hi.
Topan mimal leh pawlpi ciatah, damna, nopsakna, gualzawhna hong pia ciat hen.
Naseppih,
John T Hum
Comment piaknop aomleh...