Na hoih khat sepkhiat theihna ding in

Na hoih khat sepkhiat theihna ding in capability, opportunity leh authority kisam hi.

Capability neih bek tawh na tampi ki semkhia theilo hi. Opportunity kisam hi. Capable in opportunity a om phial zong in sepkhiat theihna ding thuneihna authority omlo pi in nalian ki semkhia zolo hi.

Gentehna in,
Aung San Su Kyi pen England ah a omlai, New York UN zum ah na aseplai cihte in zong tu a a neih capability neikhin hi. Tu a a septheih siamna pen tutawm a aneih hilo hi. Ahih hang, ama’ siamna zah zangkhia theilo, semkhia theilo hi.

Anu’ damloh hang tawh natveh ding a Kawlgam ong ciah leh 1988 gambup buaina ong kituak ahihman in tuahun ciang a neihsa siamna/ capability zattheihna ding opportunity hun nuam hun hoih ong ngah hi. Kawlgam mite genloh leitung bup in ama’ capability muthei theithei pan hi.

Nidang a a naseppih UN zum khawng a a lawmte’n “eh! Mawk aw, i lawmnu na thuneu kei veh ee.. panmun golpi kipia leh zong a sem zo tham ding hiveh e…” ci san zawzen kha ding uh hi. Ahih hang, opportunity a ngah zah in semsuahna ding (to materialize) thu neihna nei lo zel hi.

2015 kitel khit ciang thuneihna tampi ong nei a, tuahun/tuhun ciang a capability zattheihna ding opportunity ban ah sepkhiat theihna ding authority ong nei ahihman in na tampi ong semthei, ong geel, ong vaihawm khia thei hi. Ahih hang, thuneihna suakta tak zangthei khin nailo ahihman in ama’ neihsa capability khempeuh a vek in zangkhia ziahziah thei nailo lai ahihman in a pammaih mahmah ahi hi.

Capability, opportunity leh authority kisam hi.

Ahih hang, authority nei napi, oppotunity zangthei ding a capability a om kei leh bel… a thuneihna leh thuneihna zattheihna pen a mawkna taktak ong hiding hi. Pau Khat Suan