Kammal kilawm pawlkhat (azom 20 Oct)
• Makaite simmawh in langpan’ a, makaite a zahtak theilo mi peuhmah, makai cingtaak suak ngei lo ding hi.
• Nang sanga pil zawte zahtakbawl in la, nang sanga hai zawte simmawhbawl kei in.
• A guallel den ding na hi kei a, a gualzo den ding zong na hi tuan kei hi. Tua ahih manin
kineuseek se kei in la, zong kiliansak se kei in! A kilawm a kituak a om theihna pen kuama hong theihpih loh hamphatna khat hi gige hi.
• Na kiniamkhiatna in, a san’na mun
hong tun’pih dinga, na kiliatsakna in
hong niamkiatsak ding hi.
• A gualzo dingin lametna lianpi nei-in la, a guallel dingin zong i kiging zelzel in.
• Na vai khat peuhpeuh na lametna bangin hong pian kei leh, tua na vai pen a piang dingin lametna nei kik in.
• Nang muh dan bek thupi ngaihsut kei in la, midangte’ muh dan zong ngaihsutsak zel in.
• Nangma dinmun leh nangma pianzia taktak nang leh nang na kitel nak leh na utut-in, na pau ngam kei ding hi. Eima dinmun leh eima pianzia tak tak kitel lo pi-a, mawk paupauna pen haina kilatna hi-a, tua bangin na om khak zenzen leh midangte’ upna leh muannate ngah thei/zo ngei lo ding na hihna phawk gige in.
• Khaici hoih a kisap mah bangin, lei hoih kisam a, lei hoihna munah a kituh khaici hoih pen khang khia sakin a gahphasak ding tui kisam hi.
• Na nuntakna cikciang bei ding cih theilo na hih manin, nang adingin hunhoih penin tu laitak(tu mahmah)hi den hi. Na hun neih sunte zat siam in.
Khazih sungah,
David Tuang
Comment piaknop aomleh...