Kalaymyo zuanin apai Aircon Bus khatin singkung taihkha, mi 6 liam

Kalaymyo zuanin apai Aircon Bus khatin singkung taihkha, mi 6 liam

Sagaing Region, Kalaymyo (Kawlpi) zuanin apai Passenger apua Aircon Bus khat tuahsia in singkung khat limnawkkhak mahmah cih Monywa News pan kiza hi.

Tua Express Bus pen Monywa leh Kalaymyo kikal ataikhat hi a, Aung Gabar Express Bus kici hi. Tuni Thursday zingsanglam 11am hunpawl in Monywa leh Ye Oo kikal, Depayin khuasung alut madiak in lamzikpi gei ah apo Kuhku singkungpi khat aphukha ahihi.

Singkung pen limphutkhak mahmah ahih manin, mawtaw amailam leh atungkhuh te limsiat mahmah hi. Mawtaw hawlpa “Driver” akipan adang Passenger pawlkhattawh akigawm in mi 6 Depayin Hospital ah kipuak hi.

Driver papen khuhkawmkawm in, thakhatthu in khua phawklovat a, tualaitak in singkung ataihkha ahihi. Tulaitak Police Station ah hihvai thu kibawl in, Driver zong zato ah kikemlai, zatui kibawllai hi. Khualzin Passenger tezong ahuaisialua kuamah omsamlo hi ci’n Depayin Police Station panin palik thunei khatin genkhia hi.

Tua aliamte lakah sangsia asemngei Pension lakhin pawlkhat kihel uhhi. Tua sangsia tepen Butalin khuapanin Kalaymyo, St. Mary sanginn ah sangsia te zahtak piakna, kadawhpuai apai uh hi a, U Tin Swe, U Myint Swe cihte kihel uhhi.

More: Kalaymyo sangnaupang khat ii abiang a eksakgawp sangsiama ki dinkhawlsak

Tuaban ah hih sangsia te zahtak piakna ah akisam vanpawlkhat Monywa ah aleiding in apai, aciahlam ahi Minkin Township, Tinwa khua Primary School sangsiapi U Win Maung, Tekyi khua Middle School sangsia u Maung Lwin leh Minkin khuasung aom kumpi nasem Daw Nang Kyawh Khine cihtezong aliam lakah kihel uh cih kiza hi. Sawltak #zomidaily