British vanleng sungah namsia kimu ahih manin, vanleng nai 4 ziakai

British vanleng sungah namsia kimu ahih manin, vanleng nai 4 ziakai

British Airways te vanlengkhat London khuapisung aom Heathrow Airport panin Ghana zuanin alengkhiading hi a, ahi zongin vanleng sungah namsia kimu ahih manin nai 4 ziakaituam cih Straits Times pan kiza hi.

Tua namsia “Bed Bugs” tepen vanlengsung tutna tungah alengkhiat madeuh in akimu hi a, tuaciang in vanlengsung ah nasem Cabin Crew te’n amuh ciangin paikhiatsan uhhi.

Hihbangdan munlak ah nasepding piangtheilo hi ci’n Cabin Crew te nuak uhhi ci’n The Sun Newspaper te’n Sunday ni in genkhia uhhi.

Tua namsia tepen mitguaktawh etziau inzong kimuthei a, Aircraft sung tutna tungah vak hiathiat uh cihi.

Tuaciang in adang vanleng khat kizongtawm in, tuasungah Passenger teng ki tuahsakphot ahih manin, vanlengpen alengkhiat taktak hunding sangin nai 4 sungbang ziakaituam hi.

British Airline spokesman khatin Yahoo News UK te tungah agenna ah khualzinmi Customers te nuamtak in azintheihding pen ko ii kamasak penpen uh ahihi. Hihbang in London, Heathrow vanleng tualah namsia akimuh ciangin tua Aircraft pen zatnawnloh photding leh puahphatkik dingin kikoih pahhi ci’n Statement ah genkhia hi.

Vanleng sungah namsiavai buaina pen kiza zelzel a, hih British Airways tepen anunungpen akiza ahihi. Nungkum 2017 October khasung inzong British Columbia panin Britain azuan, nai 9 sungtak aleng vanleng sungah namsia in hongpetpet hi ci’n Canadian Family khatin Complain bawlngei uhhi.

More: British Airways vanlenghawlpa akhut in akalkawm ah zutzut khat nanei

Nungkum December khabeikuan inzong British Airways vanleng te ii Business Class ah khualzin atuangkha pasal khatin namsia tammahmah, sawmval bang kamuhi ci’n genkhia cih British News Portal minthang ahi Daily Mail te’n pulak khiangei uhhi. British Airlines pen Customer Service zong hoihlo, vanleng sungah akipia nekledawn tezong ginalo ci’n Complain tuamtuam ngahzel uhhi. Sawltak #zomidaily