Ka Ta aw nong it taktak hiam?

Ka Ta aw nong it taktak hiam?

Leitung ah Tate itlo Pa leh Pa te itlo Ta omlo a aomphial zong kitam hetlo hi. Pate ni ongtun sim in Pa te itna ngaih thute kigen in La kisa ciat hi. Tuamah bang in Pa te ni ongtun sim in Pa te in zong Kata ten bang onggen tam bang ongbawl tam maw cin lam etna khat tawh om den uhhi.

Tua Pa te ngaklah leh lam etna lianpeen in Ka Ta nong it taktak hiam cihdotna i dawnkik na ahihi. Pa te kiang ah Pa aw ong it ing. Ongngai ing ci a laaitawh kamtawh igenna te leh I itmana lahna a neek leh dawn silh leh teen ipiakte zong itna mah hia, ahizong in tuate ciang in Pate ngaaklah mahmah nong it taktak hiam cih dotna i dawnna hilo hi.

Ipa te kiang ah Pa kei nong it taktak hiam cin dong hile hang ” Ka Ta aw kong it man in maw kaneek taangsik kongpia Kakam sung tungsa nangawn lakhia kik in nangkongpia kaduhpipi nang ongpia den kahihman in gilpi natna kangahlawh a., Ka Ta bangcih leng vaakzoding, koicih leng khagto ding cih kangaihsutsut na in ka tal tengcial khina, Kum tam nailopi in kaguaizo hi.

En ve kongvaak nading nisa lak ah kanasepsep na in nisa in ongkaapna kaci kasa duulkhin a, Nang kongvaak na in lupna hoih tung ah zong lumzolo singpeektung vive ah kaluplupna kathagui teng nakhin a, zong kadingtang theinawn kei hi. Ka Tapa in duhding cin Ann limtata Sa limtata nangkongpia a, kuama duhloh aduh teng kapehpeh na in ka HA teng heengmang in pulhkhinzo hi. En sin kakhe tuul kakhe nuai teng nang ading kazonna in khedapzong leizolo in puakkham khinta a khaangmangzo hi. Nang kei nong it takpi maw leh Bawi hongci ding hi.

Lungsim ngaihsut na leh Pumpi taksa siitlo a ong it i Pa te ilungsimkha tawh hopih ciat in 2015 Pa te ni zangkhawm tek ni. Thang Khawm Pauzomi