Covid-19 hunsung innah naupangte bangci kepding ~ Nu Sung
Covid-19 hang in inn ah ki om kim ciat zaw hi. Sawt pian inn ah ih om ciang in a diak in naupang te in nuam ong sa nawn lo uh hi. Inn ah naupang a om leh;
1. Coronavirus thu a mau tel ding kammal tawh hilh ciatni. Khat veivei ciang in naupang hi lel tel ken teh ci’n ki ngaihsun mawmawk thei in bangmah ki hilh lo kha thei hi.
2. Naupang te pen a khan laitak uh a hih man’in ong om mawk thei lo ding uh hi. Tua a hih man in sepding ih koihsak dending thupi mahmah hi. Innsung nasep te zong ki huhsak lel in panmun pia le hang nasep zong siam in cim hun ong tawm zaw ding hi.
Hi dan a sep uh ciang in letsong khawng tawh pahtawi zel le hang a tha uh lawp mahmah hi. (Letsong a tawm a tam hilo in a thu limlim in tha lawpsak hi. Sin ni). Tua lo a dang a sepding a tuamtuam te zong ki bawlsak thei hi (e.g: coloring, laibu simsak, etc.) TV leh cartoon bekbek ih etsak khak lo ding hanciam tek ni.
3. Hi bang hun ciang in ki lung himawh in ki lungkham kim ciat hi. Lunggim leh lungkham hun ciang in mihing pen sintom in ki heh baih thei hi. Hidan hun ciang in inn aa om naupang te tung ah ih sinso na te ki tungsak kha mawkmawk thei hi. Tua in naupang te bawlsiatna hi aa Kumpi thukhun leh Pasian in zong dik a sakloh gamtat te a hih man in a pel kimciat ding in hanciam ni.
Pasian ongpiak thupha “naupang note” hi bang haksatna hunsung zong ah a khansuah siam ding Topa in tha ong guan kim ciat ta hen! Nu Sung
Comment piaknop aomleh...