Japan ah meileng khat Second 20 alolzaw in Station pan paikhia ahih manin ki mawhsak

Japan ah meileng khat Second 20 alolzaw in Station pan paikhia ahih manin ki mawhsak

Japan gamsung ah khuasung kikawmna in meileng “Train” kilimzat mahmah a, a meileng te uhpen ahun manmahmah hi. Japan gamsung aom meileng te ii hunmanzia “Punctuality” pen gamtuamtuam te’nzong azahtak leh thupi asak mahmahkhat ahihi.

Ahi zongin abeisa Tuesday (Nov 14) ni in meilengkhat ahun kiciantansa sangin Second 20 amanlangzaw in Station panin pusuakkha ahih manin, ki mawhsak pahlian hi. Japan ii Capital khuapi ahi Tokyo sung atai Tsukuba Express Line tungah meilengkhat Second 20 manlangzaw in Station panin apusuak pen aki mawhsak pahlian ahihi.

Tuahang in hih meileng tawh kisai thunei “Train Management Company” te’n mipi tungah thuumna “Official Apology” khat khahkhiapah uh a, Customer te hong nawngkai sakkha kahih manun lungsimtawng panin kongthuum uhhi ci’n thuumngeungau uhhi.

Tsukuba Express Line pen “Tokyo-area Metropolitan Intercity Railway Company” te neihsa hi a, Tokyo aom Akihabara leh Ibaraki Prefecture sung aom Tsukuba khua kikal atai ahihi.

Hih meileng lampi tungah North-bound train tepen Minami Nagareyama Station panin Weekday zingsangsim in a ngeina hileh zingsang 9:44am hunlian in ataikhia ahihi.

Ahi zongin tuani zingsang pen Minami Nagareyama Station panin 9:43:40am hunin na paikhia a, Schedule aomsa sangin Second 20 lolzaw in na taikhiakha citciat hi.

Hih Minami Nagareyama Station ah meileng pen Minute 4 halsim in atai ahihi. Second 20 lolzaw in ataikhiatna hangin mi tampitak nawngkaisak khading hi ci’n Japan Today te’n genkhia hi.

Japan meileng tepen ahun manmahmah ahih manin, meileng atuang Commuter te’nzong ahun lianlian in apainading tuatsa sitset in khuasung avak uh ahihi.

Second 20 alolzaw in apaikhiat pen, tua Second 20 sungin atunbeh Commuter tengin adang meileng apaikikding pen Minute 4 leh Second 20 a ngakkik akulding cih hipahmawk hi.

More: Japan, Tokyo khuasung ah mawtaw khatin khetawh lamkan mipilak nawkgawp

Tua Minute 4 leh Second 20 hangin nasep kuanding te, sangkah dingte ahun lapzolo in, aziakai suaksakding cih himawk ahih manin, Second 20 bekbek alolzaw in Station pan apusuak meileng pen aki mawhsak ahihi. Japan te hun zatzia ettehhuai mahmah hi. Sawltak #zomidaily