Jackie Chan tanu Lesbian (numei leh numei omkhawm) ahih manin innpan ki hawlkhia 

Jackie Chan tanu Lesbian (numei leh numei omkhawm) ahih manin innpan ki hawlkhia 

Jackie Chan pen leitungbup in atheih mahmah, Hong Kong martial artist, Actor, film director, producer, stuntman, singer khat ahihi. Forbes kici American business magazine te genkhiatna ah 2015 kumin Jackie Chan ii neihsa pen $350 Million hi a, leitungbup Actor khempeuh lakah sumlut atampen nihna hi ci’n pulakkhia uhhi.

Tuazah in leitungbup ah aminthang leh ahau mahmah Jackie Chan in atanu pen innpan hawlkhia in, tulaitak atanu pen innneilo Homeless dinmun in aomlaitak ahihi.

Banghangin tuabang liangin koih ahiam?

Hong Kong superstar Jackie Chan ii atanu pen amin Etta Ng kici a, kum 18 aphakhinpan ahihi. Etta Ng pen Jackie Chan in Elaine Ng tawh aneih uh hi a, Elaine Ng zong mimawkmawk hetlo, Hong Kong beauty queen khat ahihi.

Etta Ng pen numeikhat ahih hangin, adang numei khattawh ki ngaimawk (Lesbian = numei leh numei omkhawm) ahih manin innpan aki hawlkhia ahihi. Tua atanu Etta Ng in YouTube tungtawn in huhngetna Video khat khahkhia hi.

Video: Jackie Chan’s estranged daughter Etta Ng has taken to YouTube to talk about her homelessness. The 18-year-old is the daughter of Hong Kong superstar Jackie Chan

https://www.youtube.com/watch?v=v3s4AxWIgB0

Tua Video sungah keipen Jackie Chan ii tanu kahihi. Hihpen ka lawmnu Andi Autumn ahihi. Neihkibang “Homosexual” adeihlo kanu kapa te un innpan honghawlkhia ahih manin, innneilo Homeless in ka omzawh uh khakhatbang phata hi. Khatveivei khuasung lei “Bridge” nuai khawngah lumzel cihbang in ka om uhhi ci’n genkhia hi.

A girlfriend acih Andi Autumn pen kum 30 aphakhin khat hi a, amanzong Video sungah agenkhiatna ah kalawm kagual te kiangah huhna ka ngen kawikawi hi. Ahi zongin Shelters vive ah paiding hongki genpih a, tualai ah tungle ung kikhen kulding cih atheih manun Shelters paiding hongki genpih ahihi ci’n genkhia hi.

Etta Ng pen nungkum October kha akipan Lesbian khat ahihlam akitheikhia ahihi. Aki thuahpih alawmnu Andi Autumn pen Canadian gammikhat hi a, ahi zongin Hong Kong ah aomzawkhat ahihi.

More: Hong Kong ah kum 79 aphakhin piteek khat innteeng nasemkhat bawlsia in kiman

Jackie Chan pen 1982 kum akipan Taiwanese Actress khat ahi Joan Lin tawh kiteeng uh a, tapa khatzong nei uhhi. Tua atapa pen Jaycee Chan kici a, kum 35 phakhinta hi. Tua atapa zong gina khollo, kanza (marijuana) teepna hangtawh thong tawlkhat akia ahihi.

Jackie Chan in atanu Etta Ng vaitawh kisai in mipi theihpihding in bangmah genkhiatna neinailo kici hi. Sawltak #zomidaily