Hong Kong ah kum 79 aphakhin piteek khat innteeng nasemkhat bawlsia in kiman
Hong Kong ah piteek kum 79 aphakhin khatin innteeng nasemin azat numeikhat bawlsia ahih manin kiman cih Jakarta Post pan kiza hi. Tua bawlsiat athuak numeinu pen Indonesia gammi khat ahihi.
Abawlsia piteeknu minpen Wong Tai Sin kici a, kum 79 tak aphakhin piteekkhat ahihi. (Teeknung guainung ah agitloh kiamtuanlo, agilo tektek tepawl hikhading hi 🙂
Tua piteeknu in a innnasemnu abawlsiat laitak in, nasemnu in Video zaihkha ahih manin, tua Video pen Social Media tuamtuam ah ki thehzakgawp, Viral Video suakpah hi.
Indonesia gammite gampualam ah bawlsiat athuakleh ahung apanpih ahi Foreign Ministry’s Director Lalu Muhammad Iqbal inzong hihthu atheihkhak, amuhkhak ciangin lunghimawh mahmahpah hi. Tua Report angahphet un Hong Kong aom Indonesian Consulate General tawh ki thuzapah cihi.
Tuakhit ciangin abawlsia piteeknu zong kimankhia pahhi ci’n Friday ni in genkhia hi. Video sungah Hong Kong piteeknu in innnasem Domestic Worker numeinu pen kamtawh bawlsia bekthamlo, khutnga inzong bawlsia hi.
Verbally and Physically Abusing cihtawh abawlsiat laitakzong kiciantak in Video tawh kimuthei ahih manin piteeknu pen akimanpah ahihi. Piteeknu in kong thatlumnuam hi, kong thatlumding a, nangtawh kasikhawm dinghi ci’n tawnggawp cihi.
More:Â Singapore ah Myanmar innteeng khat inntungpan kiasuk dektak
Indonesia pen leitungah gamkhangtolua hihetlo in, ahi zongin agammi te gampua ah bawlsiat athuakleh buaipihpah uhhi. Indonesia Foreign Ministry te’n buaipih ahih manin, abawlsia piteeknu zong ahunlap in kiman khiapah hi. Singapore gamsung ah Myanmar gammi te bawlsiat kilimthuak mahmah a, Myanmar kumpi in bang sepsak cih ihzakha ngeihiamleh? Sawltak #zomidaily
Comment piaknop aomleh...