Italy gamsung meileng khawlna ah setkahlei (Escalator) nawhtaigawp in mi tampi liam

Italy gamsung meileng khawlna ah setkahlei (Escalator) nawhtaigawp in mi tampi liam

Italy, Rome khuasung meileng khawlna Rail Station khatah akithuah setkahlei (Escalator) pen aset kisia ahih manin, amathu in nawhtaigawp a, mi tampi in liamlawh cih 9News pan kiza hi. Tua Escalator akisiat laitak in atuangkha tepen Russian Football Fans te kici hi.

Italy gamsung aom Russian Embassy panin Diplomats te’n agenkhiatna ah Russian Football Fans mi 2 liam uh ahih manin Italian Capital khuapisung aom zato khatah kipuak uh cihi.

Escalator kisiatna hangin nawhsatak in suktaigawp ahih manin, mi 30 bang liamding hi ci’n Sky Italia te’n genkhia uhhi. Tualak ah Russian gammi 2 tepen huaisia phadiak uhhi. Tua Football Fans tepen Italy gamsung ah akisuiding Champion League a ending in meileng tawh apaisawm laitak un atuahsia kici hi.

Hih tuahsiatna ageinai panin amukha te’n agenna ah Escalator pen angeina sangin azah tampi in hatzaw in taigawp ahih manin, atungah atuangkha te cimawh in kiphukhagawp uh cihi.

Escalator pen a sikpek te anuailam ah ki longkhia in siacipgawp hi ci’n Sky Italia te’n genkhia uhhi. Glass thawlhawm kitam bangin puakkham ziahziah cihi.

Italian News Agency khat ahi ANSA te’n agenkhiatna ah aliam pen mi 20 valbang phading uh a, atamzaw pen akhe uh liam hi ci’n genkhia uhhi.

Video: The fans of the CSKA Moscow club were among 30 people injured when the escalator gave way at Repubblica station in the Italian capital, reports Sky Italia. They were travelling to watch their team play in a Champions League match against Roma 

Tualak ah khatpa pen akhe ki limgawikhak mahmah ahih manin, akhe langkhat tankhiat kulkha theiding hi ci’n Italian Newspaper Repubblica te’n pulakkhia uhhi.

More: Setkahlei tungah Selfie kizaihding buailuatna tawh anu in anautawi kiatsuah

Police Spokesman khatin Russian News Agency RIA te tungah agenkhiatna ah tua Escalator pen akumsuklam hi a, tualaitak in Escalator pen akicim, akisia hi ci’n genkhia hi. Tuaciangin Russian Fans tepen atunglam ah akahto tawh, anuai lamah atuaksuktawh buai ngeingai mahmah uh cihi. Hih vaitawh kisai in Rome Public Prosecutor’s Office te’n limtak kancian nading in thu piakhinta uhhi . Sawltak #zomidaily