Iraq PM pa hawh

Iraq PM pa hawh

Iraq leh Kurdish te in Amerli khua alak thei a hih man in Iraq PM Nouri -al Maliki zong va hawh in mipi tampi tak in muak hi.Hih khua pen IS te in kha nih sung a khak tan khua hi in, tun ahih leh mitampi tak in a inn kuan pihte tawh lung nuam tak in ki mutheita uh hi cihi.Sumbuk te ahih leh ki hong nailo hi cihi.

Hih IS te gamtat dan pen minam tawm te suksiat nop na ahih man in UN pan in hih thu kan ding in, Iraq khuapi ah UN palaai te pai in, koi bang in thukan in thupuak ding hiam cih mipi te thei nuam hi cihi.

Hih IS te pen hih zahta gamtat thei uh pen SaudiArabia gam leh Iran gamm te in sum le paii tawh huh ding in ki lam en hi.A mau lak ah gam dang muslim tam mahmah hi.A diakdiak in, Tunisia pan mi 3,000, Arabia pan 2,500, Morocco pan mi 1,500, Russia pan mi 800 leh Frence pan mi 700 cih bang in ciamteh uhhi. Gam gam mi tul sawm val om ci hi. Sep.1 ni in France pan IS te tawh ki zom ding in a up mawh pasal khat man hi.Tua pa in numei kum 16 apha khat vanlengtual ah kha hi.

Tua numei nu pen Turkey gam ah a mel thei te khiang ah hawh ding cihi. Ahih hang tua lai ah melthei neilo hi cihi.A up mawh na vuah Turkey pan Syria gam zuan ding in lam en uhhi. UK kumpi te in zong pastsport khauhtak sit ding thu pia im, a upmawh te zong mat thei na dingthu pia hi.UK pan zong Syria IS te kiang ah mi 500 om ding hi ci hi. Foley ii gawngtan pa zong UK te hi ding in lam en uhhi.

Philippines gam Manila khuapi International Airport Ninoy Aquino vanleng tual,mawtaw koih na ah bomb mu uhhi.Hih thu tawh kisai in mi thum man pah uh a, bang mah haksatna om lo in , vanleng zong leng thei hi cihi.

July ni 8 ni a visa tuh(duplicate) tawh hong pai te lakpan mi 20 zani Sept. 1 in Yangon tung thei ci hi.Tua lak ah ei mi pitek Kum 60 val ding khat, tangval thum, leh Ngawngte nau pang kum sawm gual ding nih ki hel cihi.Puaisa thum(agent) te ahih leh sitni (advocate) min thangte cial in, Sept.ni 7 ni court appointment ding cihi.A dang mi72 te ahih leh Kajang thong ah om in, tulai tak in Kawlgam pan kumpi ulian te in avan laitak uhhi. Amau zong suakta thei baih ding in lam en hi ci in Ko Myint Kyaw,( hih thu avan ) in gen khia hi.Mi 72 te lak ah nasem ding in apai zong om cihi.

Pakistan ah Aug.15 ni a kipan PM Sharif deih loh na hang in tuni ciang dong lungpho na nei uh hi cihi. Hih lung pho na hang in zani in mipi leh palik tenasia tak in ki buai a , guah nakpi in azuah hang mipite khawltuan lo hi.Palik te in( tears gas) mikhitui luanna bomb azat hang in guah tamlua ahih man in mipite khak zolo hi.Tua ahih man Pakistan TV phualpi ah mipite pai in innpi sung a vante suaksiat sak ahih uh man Pakistan ah TV signal omlo TV ki en theilo cihi.

Tulai inah Hacker kici mipawl khat gamtat na hang in,Holly wood a numei minthang pawl khat guaktang a om na,online ah kikoih sak ahih mam in buai thei mahmah uh hi. Tua te lak ah Oscar thumvei bang angah Jennifer Lawrence, Marry Elizabeth, Johansson, Christina Aguiler cih te akipan kineikhem siam tampi om cihi.Hih thu tawh kisai in FBI te in akan san laitak hi. Hih Hacker te in mimal na te ahih lo lam in zatsak in,Apple te ih Icloud a count pan laksak sim hi ci hi.

Taangthu tom:

Nikhat mi nih alauhuai gamsung ah pai khawm uhhi.Tua leh lampi pan Vompi khat mu uh ahih man in , khatpa taii in singkung tung ah kah to san hi, adang khat pa ahih leh atheiciang zekai ta ahih man in, asi kineih in leilak ah bok hi.Vompi zong abokpa asi takpi hiam? ci in a muk tawh nam koikoi in sih mah ei ci in pai san hi.

Vompi in paisan ta cih athei tak ciang singkung tung aa aki bu pa zong tuak suk in , nui kawm sa in, alawm pa kiang ah vompi in bang thusim hong gen hiam ci in dong hi. A lawmpa zong ” vompi in na khuazin pih pa kua mi hiam cih thei in la , ki dawn” in hong ci hi.Tua ban ah “haksat hun a , hong taisan lawm tawh ki khawl kei in,”ci in,thu hong hilh hi cihi.

LST sung ah lawm pawl khat te thu: lawm pawl khat sauvei ki manglo a, pawl khat tesanggam sang in kip zaw hi.Na pa lawm te zong lawm in bawl in.Lawm citak te in tawmtung in hong it hi.(pau.18:24;27:10;17:17)

Italy te paunak ah ” lawm bang zah nei, khat tawm lua, gal bangzah nei,khat tam lua ” cihi. Tuni lawm bang zah ih nei hiam?Ih lawm te hong it takpi hiam? David in Jonathan in a ma pumpi zah in hong it ci in, numei te itna sang lian zaw cihi.(2samuel1:26) Abraham leh Pasian kilawm ta kicihi.(2 khang 20:7) Tuni in itna mam tawh hong it taktak lawm bangzah ih nei hiam? Jesu pen ih lawm hoih pen pen ahih man in, na ki lawm ta nai hiam? Ref: Time, the star paper. Cin Ngaih