Guahtui tamluatna hangin India ahzong Zomi 2 in hongnusia

Guahtui tamluatna hangin India ahzong Zomi 2 in hongnusia

Tulai USA a lawmte nih tuahsiatna leh Singapore a sanggamnu tuahsiatna hangin lungnuam het lo kawmkalah, July 28, 2016 nitaklam nai 7:30 pawlin, Mizoram sunga Champhai khua kianga om Ngur khua ah Pa Suan Lal-te inn, guahtui tamluatna hangin tuihawk in nawk a, mencim hi.

Tuahangin Pa Suan Lal’ lawmnu Nu Don Sian Muang (42) leh a ta naupangpen zom Nem Sian Sang (4) in hong nusia hi. A ta neupen Kha 3 mi pen cidam takin buan/mencim/inncim lak panin a nu lo tawh leitung nuntakna zang dingin kimu in kilakhia hi.

T. Sawm Lian
Daihna Cabin

Zomi 2 in US ah mawtaw Accident tawh hongnusia: Lasiam Tua Tuang leh Peter

US gamsung Oregon State, Portland Highway 213 lamzikpi tungah 28 July Thursday ni sunlam in Accident piang a, mi 2 si in adangzong mi tampiliam cih KOIN News pan kiza hi.

Tua asi mi 2 tepen midang nahi peuhmahlo Zogam Lalpu tapa lasiam minthang Tua Tuang (Stephen Vocal Band) leh Portland aom Peter Kham Lian Zam te nahimawk uhhi.

Accident pianna munah Life Flight, Monitor Fire, Mt. Angel Fire, Woodburn Ambulance, Molalla Fire te buaimahmah uh a, Highway 213 zong khakcip phot uh cihi.

Hih Accident apianna ahangzong thunei te’n kancianding uh cihciang kizaphot hi.

Hihvai tawh kisai Facebook tungpan in Magaret Mary Dimnu LP tawh kaki thuzakna uh ah,

Anuai ah Tua Tuang leh Peter te hong nutsiatna vai video

https://www.youtube.com/watch?v=QW5U5fbalYs

Tua Tuang, azi leh a tanu tawh a innkuan un Peter tawh mawtaw khat ah atuangkhawm uh ahihi. Tua Tuang leh Peter pen hong sihsan uh a, Tua Tuang lawmnu Huaipi pen apheiguh tegel leh aveilam khut kitan ahih manin zato ah siavuan te’n abawlsan laitak cihi. Ata bel bangmah cingawh luakhollo bilbel hihtuak hi.

Ko Peter zong azi in nusia khin a, atate 3 tawh Portland ah aom cihciang kiza phot hi.

A nusiat a innkuanpihte tuak uhtawh akibangin Zomi Daily Media pan dahpihna kong pulak uhhi.

Liim Belh Ciin Neem ~ Tuatuang (Lamal – Sia Kung Mung)

https://www.youtube.com/watch?v=OlNH4FrbYp4

Athu ala akician in ihtheihbeh bangbang ki zasaksawnni. ZD Sawltak #zomidaily