Indonesia gamsung aom biakinn 3 ah Bomb puakkham, mi 6 si in 35 liam

Indonesia gamsung aom biakinn 3 ah Bomb puakkham, mi 6 si in 35 liam

Indonesia gamsung aom Christian te biakpiakna Church 3 takah tuni Sunday ni in Bomb puakkham in mi 6 in sihlawh uh a, aliamzong mi 35 bangpha cih AFP pan kiza hi. Indonesia gampen leitungah Muslim atampenpen gam “world’s biggest Muslim-majority country” hi a, hih kibawlsiatna pen namneu biakna te bawlsiatna lakah anunungpen ahihi.

Indonesia, Surabaya City sung aom akibanglo munthum ah zingsanglam 7:30am hunpawl in Bomb apuakkham ahihi. Asi mi 6 banah aliam bekbekzong mi 35 bang pha a, tuciangciang hih gamtatna pen kuamah in ko ii gamtatna hi ci’n apulakkhia, Responsibility agenkhia omnailo hi.

Photo pawlkhat aki khahkhiatna ah Santa Maria Catholic Church ii apualam, Gate pualam ah Bomb akitapkhit ciangin misi leilak ah alum deldal kimuthei cihi. Indonesia’s Bomb Squad kici Bomb zonsiam te’nzong ninthemlak tengah alauhuai aomlaihiam cih zongkawikawi uhhi.

East Java Police spokesman Frans Barung Mangera in agenkhiatna ah hih Bomb puahkhapna hangin asi pen mi 6 hi a, aliam zato ah akikem pen mi 35 hi ci’n genkhia hi. Tua zato ah akikem aliam te lakah Police Officer zong mi 2 kihel hi ci’n genbeh hi.

Santa Maria Catholic Church ah Bomb apuakkhap laitak in Bomb asukham te khatzong siding hi, asikhawm ngaitding in Suicide Bomb asukham hiding hi ci’n thunei te’n genkhia uhhi.

Nungdeuh mahmah inzong Indonesia, Jakarta khuapualam aom thonginn sungah buaina pianggawp ahih manin, Indonesian Police Officers mi 5 leh thongkia Inmate 1, akigawm in mi 6 takin sihlawh uhhi.

More: Indonesia, Bali ah nelvang sung vankham hento in apuasim mi 3 kiman

Tua thonginn pen amuanhuai mahmahding in akilam “high-security jail” akici himahleh buaina piangveve in, Islamic State kici IS Group migilo te’n ko ii gamtatna hi ci’n mawhpuak pulakkhia uhhi.

Tuzingsang biakinn 3 ah Bomb puakkhapna hangin misi pen 11 bang phahi ci’n agenkhia News tuamtuamzong omhi. Athu akician in Update huai aomleh hongki zasakkik dinghi. Sawltak #zomidaily