Global Zomi Idol 2020 ~ Stephen Mang

Global Zomi Idol 2020 ~ Stephen Mang

Global Zomi Idol 2020 Contestant ding teelna Kawlgam ah paitoto lai in maikal Nov 16 ciangin Yangon ah Audition leh Level 1 kipan ding hi. Kawlpi leh Tedim ah a dem khalo a dem nuam ten Tonzang, Tamu, Mandalay leh Yangon te ah hong dem thei lai hi uh teh.

Kawlgam sub-center tmtm pan i teel khiat teng khatvei kidem kik ding a tua pan Top 5 kiteelkhia ding hi. Tua Top 5 teng April 16-18,2020 ciangin Lamka Khuapi, Zogam ah Grand Finale va dem ding uh hi.

Global Zomi Idol 2020 Grand Final ciangin Global Zomi Music Awards zong piakna kinei ding hi. Zomite tangthu ah Leitungbup Zomi ahuam Pahtawina piakna masa pen hipah kha ding hi.

• Hih Global Zomi Idol (Season 2) pen
• ZOMUS (Zomi Music Uplift Society)
• ZAA (Zogam Artiste Association)
• ZIUSA (Zomi Innkuan USA) te nasepna, pankhopna ahi hi.

GZI 2020 winner $ 5000 sang tawmzaw lo ding hi. People’s choice zong kiteel ding a, prize limci zek khat kipia ding hi. Grand Final ah kidem ding Top 20 hi ding a, amau zong prize ngah tek ding uh hi.

• 1. Myanmar Top 5
• 2. India Top 5
• 3. USA + Canada Top 3
• 4. Malaysia + Singapore Top 3
• 5. Australia Top 2
• 6. Europe Top 2

India pan ZAA in Top 5 a teel kawmkawm un INDIA ZOMI IDOL 2020 Winner teelkhiat sawm in nakpi takin panla uh hi. GZI 2020

YANGON PAN IDOL DEM DINGTE THEIH DING

• 1. Leitungbup Zomite Ciapteh Minphatna ngah ngeisa ten dem theilo ding
• 2. Kum 13 tungsiah in dem thei ding
• 3. November 14 ni dong min ki-ap thei lai hi.

Stephen Mang 09450065801, Sia Thual Pau 09446317974

YANGON PAN IDOL DEMZIA DING TAWM KILAIH

Nov 16 ni ciangin Blind Audition leh Level 1 (Slow la na utut hong kiging inla, guitar, kb, soundtrack alem penpen tawh hong kithawi in…)

Nov 23 ciangin Level 2 Country la, “Zomi Mah Ngai Zaw Ing” cih leh Level 3 Final ah Rock la, “Lam-en Ou” cih, dawng 2 hi ding a, Music Band tawh sa ding hi teh. Musicians hong ken kullo ding hi.

Nov 16 ni ciangin Top 5 kiteelkhia ding a, tua Top 5 teng Nov 23 niciang asak ding uh late Country leh Rock sakzia ding kihilh suak pah ding hi. Stephen Mang