Indonesia, Bali Island ah guihtui tamluatna hangin mencim, mi 12 sikhin

Indonesia, Bali Island ah guihtui tamluatna hangin mencim, mi 12 sikhin

Indonesia gamsung Bali Island sung aom mun 3 bangah guahtui tamlua ahih manin, mencim omkawikawi a, Friday ni ciangciang mi 12 in sihlawhkhin uhhi ci’n Indonesia’s Disaster Agency in genkhia cih Reuters pan kiza hi.

Bali’s Kintamani District sung aom khua 3 te ah Thursday nitaklam akipan mencim kipan hi. Mount Batur Volcano kicihna kendung ateeng mi 12 in mencipna panin asihlawh hi a, asi lakah naupang pasalno kum 1 aphapan khatzong kihel cih Disaster Agency in genkhia hi.

Asi hizah aom banah aliamzong mi tampi om cih National Disaster Mitigation Agency in pulakkhia uhhi.

Asi aliam te zato ah kipuakkhin a, khuasung mite zong mencipna munpan in ki hemkhia sakkhinta hi.

Friday ni in guahtui tamsemsem ahih manin adiakdiak in mualdung, kendung ah ateeng te lauhuai phadiak ahih manin, kidop mahmah kulding hi ci’n kumpi thunei te’n vaikhak uhhi.

National Weather Agency te’n Bali Island sungah Saturday leh Sunday ninihsung zong guahzuzu laiding cih tangko uhhi. ZD Sawltak #zomidaily