Indonesia ah Christmas hunsung buaina abawlsawm migilo honkhat kimankhia
Christmas leh New Year Holidays te hongtungding hita a, leitungbup ah Muslim atampengam ahi Indonesia gamsungah Security ki khauhsak mahmahta hi. Tuciangciang Christmas hunsung in nawngkaina abawlsawm migilo 13 ki mankhia khinta hi ci’n Monday ni in kumpi thunei te’n genkhia uhhi.
Indonesian anti-terrorism police akici migilo abengnigat te’n abeisa Weekend sungin amatkhiat uh hi a, muntuamtuam ah amatkawikawi migilo a ngongtatsawm pen mi 13 kimankhin cihi. Tuate pen migilo khutzat galkap vive kici hi.
National police chief Tito Karnavian in tuni Monday ni in agenkhiatna ah ageina mahbang in gamsung daihna aomnading in na kasem uhhi. Hihte pen amau gitloh gamtatma in aki mankhia ahihi ci’n genkhia hi.
Hih migilo tepen abeisa Weekend hunsungteng in South Sumatra, East Java, West Kalimantan cih kuamsungteng panin akimankhia ahihi.
Indonesia gam ii khuapih agolpen nihna “Second-biggest city” ahi Surabaya City panin akimankhia khatpa pen abeisa 2013 kumsung inzong Syria gamsung ah aomngei khat cihi. Abu Jandal kici Indonesian Militant thautawh tetawh kizopna aneikhatzong ahihi.
Adang khatpa pen abeisa February khasung in Bandung City sungah Terror Attack aomlai in akihelkhat ahihi. Tuahunlai in Pressure Cooker tawh akibawl Bomb khat Park sungah kitamkham in, Militant migilo galkap khatinzong sihlawh hi.
Ahi zongin tunai gamsung buaina abawlsawm Terror Attack geelna athakpen bangmah kizakna omlo hi ci’n national police spokesman Setyo Wasisto in genkhia hi.
Indonesia gamsung ah abeisa 2000 kum Christmas Eve ni in migilo te’n buaina piangsakgawp uh a, mi 18 takin sihlawh uhhi.
More: London khuasung abuaisak mi 3 te’n mipi lauthawnggawp nadingin “Fake Suicide Vest” zang
Tuazawh kum 2 khit, 2002 kum ciangin Bali Island aom Nightclub hkatah migilo te’n Bomb puakkhamsak uh a, mi 200 bangin sihlawh uhhi.
Tunaidiak in thupiang ahihleh 2016 January khasung in Indonesia ii Capital khuapi ahi Jakarta City ah IS migilo te’n Suicide Bomb puakkhamsak in, thautawh mi kap uh a, akigawm in mi 8 in sihlawh uhhi. Sawltak #zomidaily
Comment piaknop aomleh...