USA, New York khuasung ah apuakkham om, mi 4 liam

USA, New York khuasung ah apuakkham om, mi 4 liam

USA, New York khuapisung aom Port Authority Bus Terminal ah Monday zingsang in apuakkham om cih Reuters pan kizasawn hi. Tua New York’s Port Authority Bus Terminal pen khuasung mipi tampitak in khuasung vakna, nasep kuanna in alimzat mahmah City’s busiest commuter hub khatzong ahihi.

New York Police te genkhiatna ah tua apuakkham apiangsak Suspect pen aliamsa in kimankhin ci uh a, adangzong khuasungmipi lakpan in aliam mi 3 om cih kiza hi.

Hih thuthang akigelhkhiat laitak in Police te’n tua apuakkham vanpen bangvan kizang, bang Device hiam cihpen gencianna neinailo uhhi. Local Television Channel khat ahi WABC te’n Police Sources tungtawn in agenkhiatna ah tua puakkham pen Pipe Bomb hikhading ci uhhi. Passageway panin apuakkham ci a, adang apuakkhamthei vankhattawh mikhat Subway Tunnel sungpan kimankhin cihi.

Fire Department te’n Twitter tungtawn in agelhkhiatna ah hih Port Authority Bus Terminal buaina hangin mi 4 liam hi ci’n gelhkhia uhhi. Ahi zongin aliamkhempeuh ahuaisialua, nuntakna abeilawh liangding in agimsia omlo cihi. Aliam te lakah Port Authority Police Officer khatzong kihel cih kiza hi.

Bus Terminal zong ki khakcipphot hi ci’n Port Authority of New York leh New Jersey te’n Twitter Statement tungtawn in pulakkhia uhhi.

Manhattan khuasung lamzikpi pawlkhatzong kikhakcip ci a, 45th Street panin 40th Street, 7th Avenue panin 9the Avenue sungteng ki khakcip hi ci’n Police te’n genkhia uhhi. Subway Trains tezong Times Square Station panin Bypassing tawh kitaisak cih kiza hi.

Port Authority ah aomkha khuasung vakding Commuter khat ahi Diego Fernandez in agenna ah kahlei tungpan in taikhiatnading omlo a, mikhempeuh ki pataugawp in, ki taikek, ki awngzak ngeingai cihi.

New York City Mayor Bill de Blasio in hihvai tawh kisai in President Donald Trump zong ki zasakkhin cihi. New York governor Andrew Cuomo zong buaina apian ciangin aphual ah delhpah cihi.

Video: Explosion rocks New York commuter hub, suspect in custody

WABC te genkhiatna ah tua apuakkham sakpa pen Bangladesh gammi kum 20 gualkhat ci uh a, US gamsung ah kum 7 sungbang aomkhin khat cihi. Aomna Address pen New York’s Brooklyn sung aom khat hi ci’n ki pulakkhia hi.

Hih buaina apian akipat pen 7 a.m. (1200 GMT) kici a, zingsang mipi te nasep kuanding in abuai ngeingai mahmah laitak, Rush Hour hunlaitak ahihi. New York khuapisung ah adiakdiak in December khasung pen khualzinmi Visitors atamphadiak laitak hisawnsawn hi.

More: US ah Amtrak meilengkhat New York Penn Station ah tuahsia

Nungdiak mahmah tuma khanih hunlai inzong New York City khuasung setbing tuanna lampi Bike Path tungah Uzbek Immigrant khatin Truck mawtaw tawh mipi nawkgawp in, mi 8 takin sihlawhmawk hi. Tuapa ii gamtatna pen IS te’n ko ii mawhpuak hi, ko ii khutzat hi ci’n pulakkhia uhhi. Sawltak #zomidaily