I am lost in the midst of Zomi movement ~ Khup Khan Thang

I am lost in the midst of Zomi movement ~ Khup Khan Thang

Zomi Uu leh nau a kua mahpeh, Ko leh ko Zomi kici ung, Chin hi kei ung, Tedim Chin cih omlo, Tedim pen khua min hilel hi, Tedim mi om lo, ci-in Kawlgam kumpi te leh leitung bup in Zomi aa hong theih nading, hong ciapteh nading in, hanciam in a ciangciang pan maa ih pang khawm ngeingai hi. Adiakdiak in Kawlgam sung aom Zomi te sang’ in gamdang aom Zomi te in kiveipha deuh aa zong kihanciam pha deuh hi.

Kawlgam kitelna commission (Election Commission) te Chin State sungah Zomi cih minam omlo hi ci-in, Zomi National Congress (ZNC) party te registration hong sanlo ciangin, ZNC makai te in Chin State sungah Zomi kici minam ommah hi ci-in lai tawh evidence kim takin a prove kik ciang in, Zomi ki ci minam Chin State sungah om mah hi ci-in hong saang kik uhhi kici hi. Zomi omlo cih tawh ZNC party hong nial hi bek aa, bangdia ih party min pen ZCD aa khek kawikawi se ii hiam? ZNC mah cisuak lel lo a? I am lost.

Tua tawh kizom in Yangon aom ih maakai pi te pawl khat in zong, Chin State sungah Zomi ki ci minam om mah hi ci in taangthu tuanthu tawh ka prove uhleh kumpi lampan zong hong saang hi cih lungdam na thuthang hongsuah te zong net sung panin ka sim kha hi.

Zomi a kici minam Chin State sungah om hi. Tua ahih leh bang dia 2014 kum census form sung ah ZOMI in code ngah lo zel hiam? Chin State sungah Zomi ki ci minam omlo hang maw? or Kawl te hong khem pak zual maw? or ih maakaipi te’n hong khempak zual maw? I am Lost.

2014 Kawlgam census ah Tedim leh Tonzang uksung, Kawlzaang dung teeng aa, teng (Settled) eimi a tamzaw in code 914 Zomi ci uhhi ci-in ih taangko ziahziah hi. A credit la nuam bang liit dawk ih bang hi. Tua ahih leh hih atung aa DVB te interview na ah ko Zomi te “Kyondaw doh Zomi di ga” a ci khat zong omlo “Kyondaw doh Tedim Chin di ga” a ci vive. (Kawlpau tello te ading “Ko Zomi te in” cilo in “Ko Tedim Chin mite in” cih vive) Inn lam ah Zomi cih a kisaang zolo maw? or a ki awlmawh lo maw? Bangdia kam tawh zong “Ko Zomi te ” cipah lel lo! I am lost.

Tu’n Zomi movement a zota maw? Mission accomplish maw? Ei Zomi te in maa ih pan aa, atawp dong ih tangtun zo ngei kei hi. A tel zolo aa, hong dong ka hi. Khupkhan Thang Taithul (Norman, USA)