Tamu ah Bogyoke Aungsan kum (100 ) cin pawi nopcitak kibawl

Dear All,
Tamu ah Tamu khuabup pi Youth khangno ki pawl na te
makaih na tawh Bogyoke Aungsan i a suah zawh kum ( 100 ) ci’n pawi
muak na pawi pi pen February 11-13, 2015 sun 3 leh zan 3 sung thupi
tak in ki mawl na tualpi ah ki bawl zo ta a, thupi mah mah, mi zong ki
tam mahmah leh muh nop mah mah hi. Nanfalong Market zong ki khak sak
hi.

Ih thei sa tek mah bangin Bogyoke Aungsan pen a bei sa kum 100 lai,
1915 kum February 13 ni a, Natmauk myo, Magwe Division ah na suak hi.

Hih pawi pi ah ki mawl na tuamtuam nam ( 38 ) tak, lasak na
tuamtuam, mi nam tuamtuam te i ngei na lam na tuamtuam, Bogyoke
Aungsan tawh kisai Exhibition ( lim lak na ) tuamtuam te om hi.Thu gen
siam min thang te thugen na zong om, lasak siam pawl khat te i lasak
na te zong om hi.Bogyoke Augsan i Souvenir a hi van tuamtuam zuak na
te leh neek thei dawn thei tuamtuam te zuak n ate zong om hi.

Zan ni February 13, 2015 ni Bogyoke Aungsan i a suah zawh kum 100
a ci’n ni zingsang tung 4:00-5:00 a.m hun in Kawl phungzi te ( 100 )
zing an vaak na, N.L.D te Office ah zong lampi a mi pai khempeuh khawl
sak in Mo-hen-ga tawh mipi te vaak na a om ban ah pawi bawl na mun mah
mah zong sun tha pai mipi te mohenga mah tawh an vaak na zong om hi.