Hun manphatna ~ Tdkhen

Hun manphatna ~ Tdkhen

1. Khangkhat manphatna natheihnopleh, tate makaih lo nupate dong in!

2. Kum 10 manphatna na theihnopleh, ngimna nei mel lo nupate dong in!

3. Kumkhat manphatna na theihnopleh, laikiate dong in!

4. Khakhat manphatna na theihnopleh, khakim-a nau nei khalote dong in!

5. Kalkhat manphatna na theihnopleh, kalsim thu kizakna bawlte dong in!

6. Nikhat manphatna na theihnopleh, nitha-kilawh a, zi leh ta vaakte dong in!

7. Naikhat manphatna na theihnopleh, khawlmun-a kingakte dong in!

8. Minute khat manphatna na theihnopleh, mawtaw, meileng, vanleng a lap lote dong in!

9. Second khat manphatna na theihnopleh, Accident-a kihel a damkikte dong in!

10.Milli second khat manphatna na theihnopleh, tai kidemna ah a khatna a ngahte dong in!

MARATHON (BC 500)

Persia kumpi Darious in Greek gam Athen khuapi a sim hi. Darious in tai 100 a kigamla Sparta khua ah huhngen dingin a taihat Phidipides a tai sak hi. A kikapna pan-un gal zo ahihman-un, gal zawh thu ko dingin khua lamah, tai 30 a gamla mah ah Phidipidas a tai sak leuleu hi. A gal kikapna mun uh pen MARATHON mun hi a, tua pan inn lamte ko dinga a tai-na ah gim lua mahmah ahihmanin thu khempeuh a zaksak khitteh a si hi. Tua-a kipanin amah phawkna in, Olympic hun ciangin tai 20 tunglam tai kidemna pen MARATHON a kici hi.

VANTUNG A ZAI-NA

Khuavak hat pen second khatin Km 300,000 tung thei hi. Vantung a langkhat pan a langkhat a tun nadingin khuavak hatna, kum 100,000 sung sawt ding hi. I omna leitung leh ni kikal pen Km 149,407,000 hi a, ni panin khuavak in i leitung, minute giat leh second thum(8.3) in hong tung ding hi. Leitung in ni kimkot-a vialkhat a tun ciangin kumkhat hi a, ni a kimkot kawm mahin kipei a, vialkhat a kipeileh nikhat ahi hi. Kha in i leitung na kimkot leuleu a, vialkhat a tun ciangin khakhat ahi hi.