Malaysia Election Result: Najib in lel, Dr. Mahathir in Prime Minister semtading

Malaysia Election Result: Najib in lel ahih manin, Dr. Mahathir in Prime Minister semtading

Malaysia gamsung makai kiteelna General Election ii Result pen tuni Thursday (May 10) zingsang 4:40am in ki pulakkhia taktakta hi. Election Commission chairman Tan Sri Mohd Hashim Abdullah in agenkhiatna ah Parliament Seat pen People’s Justice Party (PKR) – 104, Barisan Nasional (BN) – 79, Islamist Parti Islam Se-Malaysia (PAS) – 18, Democratic Action Party (DAP) – 9, Parti Warisan Sabah – 8, United Sabah Alliance – 1, Idependent Candidates -3 cihbangin pulakkhia hi.

Tun Dr. Mahathir Mohamad pen tuni Thursday ni in Istana Negara ah Malaysia gambup ii a 7 na Prime Minister dingin kiciamna neiding hi. Dr. Mahathir in agenna ah Pakatan Harapan (PH) in 14th General Election ah gualzawhna angah ciangin Palace panin hong zasak uh cihi. Ahi zongin Election Commission (EC) inzong Official Announcement bawlding uhhi.

Dr. Mahathir in PH Press Conference akibawlna ah tuni in Palace ah kiciamna kaneiding a, PKR panin Datuk Seri Wan Azizah Wan Ismail pen Deputy Prime Minister in kikoihding hi ci’n genkhia hi. Abeisa in Deputy Prime Minister pen numei omngei nailo a, Datuk Seri Wan Azizah Wan Ismail pen Malaysia gam ii amasa penpen numei Deputy Prime Minister hiding hi.

Video: Following its historic win in the Malaysian general election, Pakatan Harapan will take over as the government of the day from May 10 onwards. Its chairman Tun Dr Mahathir Mohamad will be sworn in as the prime minister in the morning.

PH in bangdanin Cabinet makaihding hiam ci’n akidot ciangin Dr. Mahathir in adawnkikna ah numei, pasal, khangno avekin kihelding hi ci’n genkhia hi. Ahi zongin tulaitak Prime Minister leh Deputy Prime Minister kuate’n semding cihciangbek kikipsak theipan cihi. Dr. Mahathir in Prime Minister asepkhit ciangin Datuk Seri Anwar Ibrahim pen Prime Minister semsakding cihzong geelna om cihi.

Datuk Seri Anwar Ibrahim pen tulaitak thong akia ahihi. Ahi zongin kumpipa hehpihna “Royal Pardon” tawh asuahtaktheih nadingin ki vaihawmding hi. June 08 ni in thongpan asuaktading in ki vaihawmding a, tuahit ciangin Datuk Seri Anwar Ibrahim in Prime Minister semtheiding cihi.

More: Malaysia gamsung Election hunciang buaina aomleh sepziading kisin kholhna nei

Dr. Mahathir in abeisa in makai asem ahi Prime Minister Datuk Seri Najib Razak in General Eletion ah alelhkhitzawh bangmah hong thuza nailo hi. Najib pen apaikhiading hita hi. Ahi zongin bangmah thuhkikna, aphu lakkikna kineiloding a, gamsung ah thukham akizuihkik nadingin ki hanciamding hi ci’n genbeh hi.

Malaysia 14th General Election huhau in Thursday leh Friday nizong Public Holiday in ki pulakkhia hi ci’n Government Chief Secretary in genkhia hi.