Hun nunung Series ~ Pau Do Lian

Hun nunung Series ~ Pau Do Lian

Hun nunung tawhkisai akicingin gelhnuam ihih manin apatna (Piancil) pan in enleng kitelpen ding hi. Tua hi a, amasa in Pasian in leitung, vantung leh asunga nate khempeuh abawlna te leh tuana te abeihun pen hun nunung kici ahih man in apatna pan ihgelh nuam hi. Laisiangtho leh Laisiangtho mah kiletsak (scripture interprets scripture) leng lungkim huaipen ahih manin hih series ah kizang toding hi.

Piansak na

Piancil 1-2. Pasian in vantung leh leitung asunga om nakhempeuh niguk sungin bawlin nisagih ni-in tawlnga hi cih Laisiangtho in teltak genhi. Tuan ate khempeuh abawl nungin bangmah bawlbeh nawnlo hi.

Piansak hun

Pasian pen nakhempeuh abawlthei ahih manin nakhempeuh ama deihbangin heithei hi. Pasian in banghangin nakhempeuh abawlciangin niguk sung hun lase se ai tam? Pianghen akam tawhci leh apiang hi a, minute khatsungin zong nakhempeuh apiang sak thei ding hi napin’ banghangin niguk sung ngak sese a, nisagih ni in tawlnga hiam? Pasian avanglian, atha hat, nakhempeuh ama vangtawh kihei ahih leh tawlngak zong kul sese ding hiam? Pasian gimthei ding himawk hiam? Ngaihsun leng hite amawk na in Pasian in hunzang lo hi. Laisiangtho sungah huntawh kisai te akicing zaw in mai lam ah (series a zom in) in ento lai ding hihang.

Piansak minam te

Pasian in abawl masak Adam hina pi-in Pasian minam cih kammal pen Abraham tungpan bek in kipan sese hi. Tua Abraham tupa, Jacob (Israel) tungah Pasian kamciam minam hongtang tung hi. Tua minam te in sawmle nih ahi uh hi. Thukhente laibu sungah Israel mite’ makai (leader) sawmle nih pha a, tuate in, Othniel, Ehud, Shamgar, Deborah, Gideon, Tola, Jair, Jephthah, Ibzan, Elon, Abdon, and Samson te ahi uh hi. Topa Zeisu in leitungah lungdam nathu atangko laitak in ama nunga zuiding mi sawmle nih mah tel hi. Hih sawmle nih number te zong akicing zaw in (series a zom ah) ento lai ding hi hang.

Piansak tetawh lahna

Topa Zeisu hih leitungah hongpai kikding vai anung zuite kiangah genkha ahih man in cikciang hongpai ding na hiam? Cih thei nuamlua uh a, (Matthai 24ff) Topa Zeisu in hongpai kik hunlian ding Pa Pasian bek in thei a, ahizongin Pasian bawlsa nate tungpan thupiangte tawh hong kilak ding hi naci hi. Tua ahih leh hih leitungah Pasian bawlsa mihing akipan leitung khua hunte, gam ki-ukna te’ sumzat ziate, leh nadangte enleng bang thupiang ta ahi hiam? Hih atunga point li tepen ihgen noppi ii thumasa hipan hi. Tua tawh kizom in Pasian in niguk sung nasem in nisagih ciang tawlnga a hih number te akhiatna enpak in aban series te zopma tuazah hisak phot ni.

• Number One = Unity (kipawlkhopna)
• Number two = Laisiangtho bu, Prophet laibu te leh Thukham (the books of the Law)
• Number three= Trinity, To thum gawm khat
• Number four= Earth (N.E.W.S= News) Leitung: sak, khang, nitumna, nisuah na.
• Number five = Pentateuch (Moses gelh Thumkham bungate)
• Number six = Mihing numbat (niguk ni in mihing Pasian in bawl) 666????
• Number seven= completion or perfection (kicing zota) Pasian nisagih ni in tawlnga.

azom >>> coming soon! Pau D.Lian